Работниот состанок беше имплементиран успешно со учество на претставници од трите корисници на проектот меќу кои како партнер 2 е и општина Неготино.Членовите на проектните тимови на корисниците извршија презентација на структурата на проектот, ги образложија детално активностите кои се дел од проектот,фазата на имплементација и методологијата за заедничките активности. Најважните точки на проектната средба беа:  1. Конституирање на ,, steering committee-одлучувачки комитет на проектот”и  презентирање на нивната одговорност.2. Важноста од постигнување на поставените индикатори беше нагласена од стана на Водечкиот партнер. 3. Целите кои треба да бидат постигнати од страна на партнерите во првите 6 месеци. 4. Детали за развојот на веб страна и комуникацискиот пакет беше презентиран од страна на водечкиот партнер. Корисниците на проектот исто така се согласија да доставуваат фотографии со висок квалитет за секоја објава која е поврзана со проектот. Се разговараше и за датумот на одржување на следната работна средба.
Градоначалникот на општина Неготино  г. Горан Стојанов исто така оствари средба со градоначалникот на општина Пела, Григориос Стамкос, на која беа разменети искуства и искажано задоволство од меѓусебната соработка во однос на досега резлизираните проекти како  и за  проектот ,,wine-up”со искрена надеж за продолжување на соработката и на други идни проекти.

Светскиот ден на хемофилијата се одбележува секоја година на 17-ти април. Во чест на овој празник во текот на вчерашниот ден (недела) зградата на општина Неготино беше осветлена во црвена боја – симбол на крв и Светскиот ден на хемофилијата. Инаку, одбележувањето на Светскиот ден на хемофилијата е со цел за подигнување на свеста за вродени нарушувања во системот за коагулација. Хемофилијата претставува наследна состојба што се карактеризира со целосен недостаток или намалено ниво на факторите кои учествуваат во запирање на крварењето. 

    Од 4 до 8 април во нашиот град се одржа осмото по ред отворено првенство во шах “Неготино Опен 2022”. На првенството учество зедоа 28 учесници кои одиграа вкупно 9 кола по швајцарски систем. Победник на овогодинешното отворено првенство е шахистот Санде Атанасов кој во деветте одиграни партии освои вкупно 8 поени и ја освои првата награда во вредност од 7.000 денари. Второто место на турнирот со освоени 7,5 поени му припадна на Димитар Ставров - Вешки, а третопласиран е Ѓоко Павлов кој ја освои третата награда во износ од 4.000 денари. Награди во висина од 2.000 денари добија и Ѓорѓи Темелков како најдобро пласиран млад шахист (под 18 години) и Васко Недев како најдобро пласиран сениор (над 60 години). Наградите ги обезбеди Општина Неготино, а ги додели градоначалникот Горан Стојанов кој на најдобрите учесници им додели и дипломи. Првенството помина во одлична организација на Општина Неготино во соработка со Градскиот шаховски клуб “Неготино”.