Општина Неготино
Асфалтирани 250 метри од улицата Браќа Миладинови PDF Печати
    Заврши комплетната реконструкција на улицата Браќа Миладинови. По извршениот ископ, тампонирање и поставување бетонски рабници, се изврши асфалтирање на 250 метри од оваа улица. Проектот, заедно со санирањето на ударните дупки на улиците во градот, е финансиран со средства од буџетот на општина Неготино во висина од 6.000.000 денари. Изведувач на работите беше Градба промет, а надзор Павер трејд.
 
Повеќе...
 
Доделени 40 ваучери за новороденчиња во општина Неготино PDF Печати

   Согласно годишниот план за исплата на средства, денеска во просториите на локалната самоуправа на 40 родители кои во изминатиот период добиле новороденчиња им ги доделив вредносните ваучери од 7.000 денари како поддршка од општина Неготино. На сите им ги честитав приновите во семејството и им посакав многу здравје и среќа. Наредната исплата на ваучерите предвидено е да се реализира во месец септември. 

Повеќе...
 
Во еден ден поднесени над 50 барања за проценка на штети од невремето PDF Печати

  Страшното невреме што ја зафати нашата општина предизвика големи и сериозни штети на објекти, инфраструктура, земјоделски површини. Со цел за подетално утврдување на фактичката состојба на терен и настанатите штети, општина Неготино формираше Комисија која со работа започна уште рано утринава и за само 1 ден поднесени се над 50 барања од граѓани кои претрпеле штети. Комисијата продолжува со работа и во наредните денови и сите граѓани можат да поднесат барање за проценка на штети. По прибирањето на сите барања, членовите на Комисијата ќе излезат на терен и ќе извршат соодветна проценка на пријавените штети. 

П Р И Ј А В А 

 

 
Спортско – културно лето 2022 продолжува со турнирот во улична кошарка “Street ball 2022” PDF Печати
   По завршувањето на меморијалниот турнир во мал фудбал “Крсте Велјанов”, манифестацијата Спортско-културно лето - Неготино 2022, која ја реализира општина Неготино заедно со бројни граѓани, здруженија, установи и спортски колективи од општината, продолжува со одржувањето на традиционалниот турнир во улична кошарка “Street ball 2022” кој по двегодишна пауза повторно се враќа на градскиот плоштад во Неготино. Овој спортски настан кој во изминатите години го привлекуваше вниманието на граѓаните од општината и пошироко, ќе се одржи во периодот од 23 до 25 август на градскиот плоштад, со цел да понуди добра кошарка, многу музика, одлична забава и уживање за посетителите.
Во тек е пријавувањето на екипите за учество на турнирот, а истото може да се направи на телефонските броеви 076/808-560 и 078/341-931. Екипите пријавуваат вкупно 4 играчи, а истите во зависност од возраста и полот ќе бидат класифицирани во три конкуренции: машка (сениорска и јуниорска) и женска конкуренција. Општина Неготино обезбеди богат награден фонд за најдобрите екипи и поединци на турнирот.

 
Ј А В Е Н П О В И К за доделување на финансиски средства од Буџетот на Општина Неготино за здруженија и фондации за 2022 година PDF Печати

Во рамките на програмските активности на Општина Неготино, Комисијата за јавни дејности при Советот на Општина Неготино врз основа на Правилникот за определување на постапката и критериумите за доделување на финансиски средства на задруженија и фондации од буџетот на Општина Неготино бр. 08-511/13 од 22.07.2022 год. (Службен гласник на Општина Неготино бр. 11/22), објавува:

Ј А В Е Н  П О В И К
за доделување на финансиски средства од Буџетот на Општина Неготино за здруженија и фондации за 2022 година

1. Распределбата на средства за здруженија и фондации од Буџетот на општина Неготино во висина од 200.000,00 денари (двеста илјади денари) се врши преку финансирање на проекти во приоритетни области и цели кои се однесуваат на:

•    култура
•    образование
•    екологија
•    спорт
•    комунални дејности    •    социјална заштита
•    здравство
•    интердисциплинарни проекти
•    меѓународна дејност
•    други области

2. Критериуми за аплицирање
2.1. Основни организациски критериуми кои треба да ги исполнуваат здруженијата и фондациите се:
•    Да се регистрирани согласно Закон за здруженија и фондации (“Службен Весник на РМ” бр.52/10, 135/11 и 55/16);
•    Да имаат седиште во Општина Неготино

2.2. Посебни проектни критериуми врз основа на кои ќе се врши проценка на квалитетот на проектите за здруженијата и фондациите се:

Критериуми                                            Бодови
1.Организациски капацитет
(профил, капацитет, релевантно искуство)    20
2.Релевантност на проектот со приоритетната област
(анализа на проблемот, актуелност, целна група)    30
3.Опис на проектот
(цели, резултати, активности, пристап)    20
4.Ефекти во локалната средина
(влијание врз целните групи, одржливост)    15
5.Буџет (соодветно изразени активности во буџетот
и оправданост на трошоците)    15
Максимум бодови    100

* за да се квалификува проектот за финансиска поддршка треба да освои најмалку 50 бодови

Повеќе...
 
Подготовки за новата учебна година во ООУ Гоце Делчев Неготино PDF Печати

   Во ООУ Гоце Делчев во нашиот град интензивно се одвиваат подготовките за успешен старт на новата учебна година во која во училишните клупи во централното и подрачните училишта настава ќе следат околу 810 ученици. Како што информира директорката Елена Стојанова во моментов се врши комплетно обелување на централното училиште, по што ќе се обелат и подрачните училишта. Исто така се работи и на подготовка на кабинетот по техничко образование, како и други тековни активности.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 7 од 314