|
Можностите за поддршка и промоција на Регионалниот проект за изучување на францускиот јазик во општина Неготино-беше една од темите на кои денеска како градоначалник на општина Неготино разговарав со г-динот Иго Бештел, советник за соработка и културно делување во Француската амбасада и директор на Францускиот институт во Скопје за време неговата официјална посета на нашиот град. На средбата разговаравме за можностите за спроведување и на други проекти во Неготино кои би биле од заеднички интерес за општина Неготино и Францускиот институт во Скопје,а беше потенцирана и успешната улога на Францускиот институт кој има значајна улога во едукативниот процес преку организирано изучување на францускиот јазик, франкофонските активности, обука на професори и друго. Предходно, г-динот Бештел престојување во СОУ„Св,Кирил и Методиј“ каде што на 35 ученици и професори од училиштето им беа врачени меѓународно акредитирани дипломи за познавање на нивото на францускиот јазик на ниво од А1 до Б2, а го посети и ООУ„Гоце Делчев“. 
|
|
|
Од мое лично име, како градоначалник на општина Неготино и од име на Советот на општината упатувам искрени честитки по повод 8-ми април – Меѓународниот ден на Ромите до сите наши сограѓани од ромската етничка заедница. Како локална власт, а во соработка со Здруженијата на Ромите, вклучени сме директно во надминувањето на проблемите и предрасудите со кои граѓаните од ромската заедница се соочуваат и се обидуваме да ги обезбедиме сите права и обврски кои им се загарантирани со законите. Општина Неготино и во иднина ќе продолжи да спроведува одржливи мерки со кои ќе се подобрува животниот стандард на сограѓаните Роми и нема да престане да се заложува за зајакнување на економската и социјалната вклученост на Ромите во сите општествени текови. |
|
Посакувајќи им успех на сите учесници на натпреварувањето со желби да победи најдобриот, го прогласив за отворено Градското првенство на Неготино во шах за 2022 година кое се одржува по 3 години пауза и на кое учествуваат околу 30 шахисти-аматери од општина Неготино. Првенството се одржува во просториите на ТИЦ„Желкова куќа“ и ќе се игра швајцарски систем од 9 или 7 кола во зависност од бројот на пријавените учесници со темпо на игра од 30 минути по партија. Се очекува првенството да заврши до престојниот викенд кога ќе биде познат победникот на Градското првенство во шах, по што како градоначалник на општина Неготино заедно со претставник на коорганизаторот на турнирот Градскиот шаховски клуб „Неготино“ ќе ги доделиме наградите чиј фонд изнесува 25.000 денари и тоа за најдобро пласираните, најдобриот млад шахист, најдобриот шахист сениор и најдобрата шахистка. Сите заинтересирани мечевите можат да ги следат секој ден од 18,00 до 20,00 часот. |
|
Повеќе...
|
|
Во организација на Општина Неготино и Градскиот шаховски клуб “Неготино” денес (понеделник, 4 април) со почеток од 17 часот во просториите на ГШК Неготино - ТИЦ Желкова куќа (2 кат), ќе започне Градското првенство на Неготино во шах за 2022 година. По 3 години пауза, првенството за отворено ќе го прогласи градоначалникот на Општина Неготино Горан Стојанов, а на истото учество ќе земат оклоу 30-тина шахисти – аматери од нашата општина. Првенството на кое ќе се игра швајцарски систем од 9 (или 7 кола) во зависност од бројот на пријавени учесници со темпо на игра од 30 мин. по партија ќе трае до овој викенд, кога Неготино повторно ќе добие првак во шах по неколкугодишна пауза. Наградниот фонд изнесува 25.000 денари, а покрај наградите за најдобро пласираните, ќе бидат доделени награди и за најдобриот млад шахист, најдобриот сениор и најдобра шахистка на турнирот. Мечевите ќе се играат секој ден со почеток од 18ч. до 20ч.
Пријавувањето за учество е најдоцна до 4 април (14.00 часот), а истото може да се направи на тел. 075 416 496 кај ВМ Трајко Недев.  |
|
Стотици ученици од двете основни и средното училиште од градот и дечиња кои престојуваат во трите клона на неготинската детска градинка беа дел од традиционалното дефиле под маски по повод 1-ви април-Денот на шегата. По пауза од 2 години поради пандемијата од ковид, денеска сите заедно можевме да уживаме во следењето на манифестацијата „Маскенбал-2022г“. Честитки и благодарност до сите кои на еден или друг начин придонесоа за успешна реализација на годинашниот маскенбал на задоволство на сите присутни кои по улиците на градот и на градскиот плоштад ја проследија денешната манифестација. 
|
|
Повеќе...
|
|
Општина Неготино, во рамките на проектот ,,Вински,Апи и Еко туризам во Неготино и Околината” како и за успешно реализирање на дел од активностите во рамките на проектот „Подобрување на прекуграничното винско искуство за локален развој – WINE-UP“ (во понатамошниот текст - проект „WINE-UP”), на ден 24.03.2022 година, за потребите на проектот објавува:
Објава за закуп на урбана опрема 3 (три) куќички за продажба на вино, мед, сувенири и друг вид на рачно изработени производи
Урбаната опрема е поставена на градскиот плоштад во општина Неготино, сопственост на општина Неготино врз основа на одобрение за попставување на урбана опрема УП бр.11-498 од 19.10.2018 година.
Урбаната опрема се издава под закуп за времетраење од 6 месеци од денот на потпишување на Договор за закуп со понудувачите.
Право на учество имаат сите заинтересирани правни лица од Република Северна Македонија.
Заинтересираните правни лица кои што ги исполнуваат условите дадени во објавата, може да учествуваат за секоја од поединечната урбана опрема.
Висината на месечната закупнина изнесува 530 денари.
Изјава за учество за закуп на урбана опрема се поднесува електронски или лично во просториите на одделение за Локален Економски развој во општина Неготино. Понудувачот при тоа е должен да достави и Доказ за идентитет –Тековна состојба од Централен Регистар на РСМ.
Објавата трае 5 дена почнувајќи од 24.03.2022 и ќе трае заклучно со 29.03.2022 година до 16:00часот.
Селекција на понудувачите ќе се изврши од страна на комисија за располагање со недвижни и движни ствари на општина Неготино а ќе се врши по принципот на прв дојден прв услужен. |
|
|
|
|
<< Почеток < Пред 11 12 13 14 15 16 17 18 19 20 Следно > Крај >>
|
|
Лист 18 од 314 |
