Општина Неготино
Саниран дефектот на водоводната линија Г. Дисан-Вешје PDF Печати

  Поради свлечиште на земјиште, дојде до оштетување на водоводната линија од која со вода за пиење се снабдуваат жителите на селата Горни Дисан и Вешје. Благодарение на брзата и ефикасна интервенција на општина Неготино и ЈП Комуналец дефектот е отстранет за рекордно кратко време со што жителите на овие две села имаат нормално и редовно водоснабдување, посебно во летниот период со високи температури. Додека траеше санацијата, месното население беше снабдувано со вода со помош на ТППЕ Неготино. 

Повеќе...
 
Започна голема акција за чистење на депонии во општина Неготино PDF Печати
  Работници на изведувачот на работите фирмата Гас трејд од Д. Капија под надзор на Студио Архивисион од Скопје за потребите на општина Неготино започнаа со активности за расчистување на дивите депонии на подрачјето на нашата општина. Се стартуваше со чистење на депонијата во Д. Дисан и околината, а со оваа голема акција ќе бидат опфатени депониите во сите населени места во општина Неготино. Активностите планирано е да се одвиваат во наредните 60--тина денови, а предвидени се и заеднички работи со месното население. Секој граѓанин кој има сознанија за постоење на дива депонија, може да пријави до надлежните служби при општината или до Моја патрола. Сметот и шутот ќе се транспортираат до градската депонија Бучето. 
 
Повеќе...
 
Екипата на “Revolution Development” од Неготино победник на меморијалниот турнир во мал фудбал “Крсте Велјанов 2022” PDF Печати
Синоќа (04.08.) на терените на спортскиот комплекс “Младост” заврши 3-тото по ред издание на меморијалнит турнир во мал фудбал “Крсте Велјанов” кое оваа година изобилуваше со квалитетен фудбал и неизвесни натпревари. Како увертира на големото финале најпрво беше одигран натпреварот во конкуренција на ветерани помеѓу екипите на ПС Комерц од с.Корешница и Ѓоко Вешки од Д.Дисан кој заврши со резултат 4:2, а веднаш потота и напреварот за третото место помеѓу екипите на Комбиниери од Росоман и Црна Река од Кавадарци, кој беше решен дури по изведувањето на пенали со резултат 4:2 за екипата од Росоман. Големото финале помеѓу екипите на “Revolution Development” од Неготино и Бучин Грижо Сникерс од Прилеп кое изобилуваше со добар фудбал и интересни моменти, во неизвесна завршница по изведувањето на пенали го доби домашната екипа со резултат 8:7.
Конечен пласман и најдобри поединци на турнирот:
1 место: Revolution Development од Неготино, награда од 70.000 денари
2 место: Бучин Грижо Сникерс од Прилеп, награда од 40.000 денари
3 место: Коминиери од Росоман, награда од 20.000 денари
4 место: Црна Река од Кавадарци, награда од 10.000 денари
Најдобар играч на турнирот е Марјан Илов од Revolution Development,
Најдобар стрелец е Ѓорѓи Стрезоски од екипата на Бучин Грижо Сникерс од Прилеп
Најдобар голман е Оливер Велески од екипата на Бучин Грижо Сникерс од Прилеп
Целокупниот награден фонд беше обезбеден од општина Неготино, а за одличната организација на тунирот свој придонес дадоа и повеќе правни субјекти од бизнис секторот од општината.
Турнирот беше одлично посетен од граѓаните на општината и пошироко, што уште еднаш потврди дека на Неготино му се потребни спортски настани од ваков карактер. Од здружението “Крсте Велјанов” кое беше одличен организатор на турнирот упатија огромна благодарност до општината за големата поддршка и најавија уште помасовен и поинтересен турнир за наредната година. 

Повеќе...
 
Сите дечиња од Тремник ќе бидат згрижени во градинка PDF Печати

   Во тек се активности за реновирање на новиот, просторно далеку поголем од постоечкиот, објект на детската градинка во селото Тремник. Како што информира директорката на градинката „Фемо Кулаков“ од Неготино Нада Најдова, станува збор за реновирање и оспособување за престој на дечиња во простории со поголема површина од досегашната, со што пак ќе се создадат услови за згрижување на сите дечиња од Тремник, без листи за чекање. Исто така, директорката Најдова додава дека од денеска (1-ви август) во функција се ставени новите реновирани занимални во клонот „Мајски цвет“, со што дечињата кои привремено престојуваа во клонот „Темјанушка“ за време траењето на реновирањето, повторно се згрижени во „Мајски цвет“.

Повеќе...
 
Во среда (27.07.2022г) ќе се изврши второ прскање против комарци во општина Неготино PDF Печати
  Согласно годишната Програма за спроведување општи мерки за заштита на населението од заразни болести и оперативниот план, Општина Неготино во среда на 27-ми овој месец ќе спроведе активности за второ по ред прскање против комарци. Се информираат жителите дека адултната дезинсекција со машинско прскање поради запрашување од комарци ќе се изврши во среда почнувајќи од 20,00 до 05,00 часот наутро. Се апелира до граѓаните и здруженијата кои одгледуваат пчели и други животни, благовремено да ги преземат сите неопходни мерки за нивна заштита.
 
Се реновираат занималните во клонот „Мајски цвет“ во неготинската градинка PDF Печати

  Во Јавната установа за деца – Општинска детска градинка „Фемо Кулаков“ во Неготино, конкретно во клонот „Мајски цвет“, во моментов течат активности за реновирање на занималните во кои што престојуваат децата на возраст од 9 месеци до 3 години. Покрај занималните, се реновира и ходникот во овој дел на градинката. Додека течат работите, децата од овие групи се сместени и престојуваат во објектот „Темјанушка“, се додека просториите во „Мајски цвет“ не се прилагодат за нивно враќање и престој во истите.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 8 од 314