|
 Поројните врнежи од дожд кои ја зафатија нашата општина поради конфигурацијата на теренот на Неготино придонесоа најголемиот дел од водата да се спушти во централното градско подрачје. Токму затоа, веднаш по престанувањето на врнежите екипи на ЈП Комуналец и на Територијалната противпожарна единица од Неготино интервенираа на расчистување на центарот на градот. Покрај со работна рака и механизација, во акцијата се вклучени и 2 цистерни со вода со кои се чисти центарот на градот.
|
|
Повеќе...
|
|
|
Почитувани граѓани на општина Неготино !
Од мое лично име и како градоначалник на општина Неготино до сите Вас упатувам честитки по повод верскиот празник св. Илија и големиот државен и македонски празник Илинден-денот кој е длабоко вкоренет во свеста на македонскиот народ. На овој ден 1903 година македонскиот народ востана против Турската Империја барајќи ја својата слобода, а 41 година по првиот Илинден познатите македонски борци и херои од Илинденската епопеја и НОБ на Македонија на вториот Илинден во манастирот Св.Прохор Пчински ги удрија темелите на современата македонска држава. Илинден односно денот на Св. Илија е голем македонски национален и православен празник кој се одбележува на 2 август. Илинден има посебно значење за македонскиот народ. Тој е празник на 3 настани од духовната и националната природа кај македонците. Првиот празник е денот на Св. Илија. Вториот настан е денот на почетокот на Илинденското востание во 1903 и како трет настан е Првото заседание на АСНОМ во 1944 година. Духовниот момент и двата други историски моменти за Република Македонија кои се имаат случено на Илинден, даваат дополнително значење на овој празник, а токму традицијата го прави Илинден еден од најбитните и најголеми празници во Република Македонија.
|
|
И оваа година Мировен корпус има потреба од семејства-домаќини кои би сакале да прифатат волонтер/ка во периодот од 29.09.2018 до 08.12.2018. Заинтересираните семејства можат да пополнат формулар во општината во Неготино во канцеларијата за Локален економски развој на 3ти спрат, бр.26 или, пак, да се обратат кај лицето за односи со семејствата-домаќини Кристина Ангелевска од Мировен корпус на следната електронска пошта:
Оваа е-пошта е заштитена од spambots, треба да вклучите JavaScript за да ја видите
Брошура Апликација |
|
 Во присуство на голем број ловци, активисти на друштвото, секретарот на општина Неготино Ивица Златковиќ и други заинтересирани граѓани денеска на пригодна свеченост во функција беше ставен новоизградениот ловечки дом во Неготино. Средствата за реализацијата на овој проект целосно се обезбедени од Буџетот на општина Неготино, а новиот дом на Ловечкото друштво „Вардар“ е со површина од над 90 метри квадратни и е лоциран во кругот на старата Гимназија. Како што информираа одговорните, новиот ловечки дом располага со 3 простории и истиот ќе им биде на располагање на над 200 ловци-членови на Ловечкото друштво „Вардар“. Овде тие ќе ги планираат и подготвуваат своите активносто согласно годишната програма за работа, ќе се организираат работилници од едукативен карактер или накратко новиот ловечки дом ќе биде сврталиште за сите ловци од општина Неготино, но и пошироко. |
|
Повеќе...
|
|
Врз основа на Договорот за соработка помеѓу Агенцијата за вработување на РМ (АВРМ), Програмата за развој на Обединетите нации (УНДП) и општина Неготино, Оперативниот план за активни програми и мерки за вработување и услуги на пазарот на трудот за 2018 година усвоен од Владата на Република Македонија, Програмата Општинско – корисна работа финансирана од Буџетот на Агенцијата за вработување на РМ, на ден 01.08.2018 година се објавува:
Ј А В Е Н О Г Л А С
до
евидентирани невработени лица за вклучување во
Програмата Општинско - корисна работа
Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “Продолжување на функционирањето на игралните во руралните средини и воведување на нови иновативни социјални услуги за деца со посебни потреби вклучени во образовниот процес” за работно ангажирање со скратено работно време за период од 9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Неготино.
Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на работниот ангажман од 9 (девет) месеци статусот на невработените лица останува непроменет, а на невработените лица-корисници на социјална помош за времетраење на работниот ангажман ќе им биде активно правото на користење на социјална помош.
Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата.
За кандидатите кои ќе бидат избрани и вклучени во Програмата Општинско-корисна работа се предвидува паричен надоместок во висина од 9.000,00 денари месечно, со вклучен персонален данок на доход и осигурување од случај на несреќа при работа и професионално заболување. |
|
Повеќе...
|
|
 На последната одржана седница на Советот на општина Неготино на предлог на градоначалникот Тони Делков советниците донесоа одлука за утврдување приоритет за реконструкција на улица во селото Тремник. Имено, со оваа одлука се утврдува приоритет на проектот „Основен проект за реконструкција на дел од улицата во Тремник во должина од 1 километар“, а во врска со јавниот повик од страна на Агенцијата за финансиска поддршка на земјоделството и руралниот развој за доставување барања за користење на финансиски средства од Програмата за финансиска поддршка на руралниот развој за тековнава година-Мерка 322-Обнова и развој на селата, инвестиции за изградба и (ли) реконструкција на улици во населени места во руралните средини, вклучително и атмосверска канализација и пешачки елементи во должина од 1.000 метри. |
|
Повеќе...
|
|
|
|
|
<< Почеток < Пред 151 152 153 154 155 156 157 158 159 160 Следно > Крај >>
|
|
Лист 155 од 314 |
