Како увертира во богатата дводневна осмоноемвриска програма која што општина Неготино ја планира по повод одбележувањето на Денот на градот, вчеравечер беше отворен турнирот во табла – Неготино опен 2018. На истиот учество зедоа околу 50-тина учесници, претежно од помладата генерација, што покажува дека традицијата на оваа древна игра во нашоит град продолжува да се негува. Турнирот за отворен го прогласи претседателот на Советот на општина Неготино - Диме Витанов, а ќе трае до 8 ноември (четврток) кога ќе бидат доделени наградитете за најдобрите тројца учесници на истиот.

Локалната самоуправа и оваа година подготви дводневна програма со која ќе биде одбележан празникот на општина Неготино 8-ми Ноември-Денот на ослободувањето на градот. Активностите ќе се одвиваат на 7-ми и 8-ми ноември (среда и четврток) на повеќе локации, а свечената седница на Советот на општината ќе се одржи во четврток со почеток од 12,30 часот во кино салата на Центарот за култура „Ацо Ѓорчев“ во Неготино.

   Неготинецот Сретен Давидов прогласен за најдобар млад научник кој работи во полето на електротехниката е добитник на највисоката општинска награда 8-ми Ноември која се доделува по пово празникот на општина Неготино. Одлуката ја донесоа советниците во Советот на општината, како и одлука за добитниците на признанија 8-ми Ноември. Добитници на признанија се:- постхумно Илија Ѓорѓиев-стопанственик, пратеник во Парламентот на РМ, потпретседател на општинското Собрание и истакнат и успешен спортски работник, Димитар Ѓорѓиев од областа на спортот, д-р Диме Трајковски од областа на здравството, Велика Димова-хуманист и Павлинка Вељановска-од областа на културата. На добитниците, наградата и признанијата ќе им ги врачи градоначалникот на општина Неготино Тони Делков на свечената седница на Советот на пштината која ќе се одржи во четврток на 8-ми Ноември со почеток од 12,30 часот.

  Во рамките на празнувањето на Денот на градот - 8ми Ноември, Општина Неготино по десети јубилеен пат ќе го организира турнирот во табла “Неготино опен 2018”. Истиот ќе се одржи од 6 до 8 ноември во кафе барот “Стефани” во старата градска чаршија. Право на учество имаат сите граѓани на општина Неготино, а наградниот фонд за најдобрите учесници на овој турнир изнесува 15.000 денари. Бројот на учесници на турнирот е ограничен на 64, а пријавувањето за учество се врши на телефонскиот број 076/749-098 кај лицето Костадин Цветков. Турнирот ќе биде отворен на 6 ноември (вторник) во 17.00 часот кога ќе биде одиграно и првото коло од истиот.

   Градоначалникот на општина Неготино Тони Делков денеска изврши увид на работите на дел од проектите кои во овој период се реализираат на територијата на нашата општина. Придружуван од своите соработници, градоначалникот Делков ги следеше работите за санација на тротоарот на улица „Маршал Тито“, изврши увид на подготвителните работи за спроведување на проектот за подобрување на енергетската ефикасност преку замена на целото улично осветлување со поставување на нови штедливи светилки и зафати на општинската зграда и средното општинско училиште, а го посети и просторот на локацијата каде што инвеститор гради станбено-деловен комплекс на местото на зградата на ДТВ Партизан која неодамна беше срушена. Во рамките на увидот, градоначалникот се запозна и со текот на работите за поставување атмосверска канализација на ул „Браќа Миладинови“ со поставување цевки за одвод на уличните води на оваа улица, а престојуваше и во Тимјаник каде што во моментов се врши уредување на улица во должина од 400 метри со поставување на бехатон коцки.По одбележувањето на хоризонталната сигнализација, во тек е фарбање и одбележување на бетонските рабници на тротоарите.