Градоначалникот на општина Неготино Тони Делков, директорката на детската градинка "Фемо Кулаков" Јана Коцева, директорот на ООУ "Гоце Делчев"Петар Мантев, вработените во оваа група и дел од општинската администрација, остварија средба со родители во новоадаптираните просторни услови од училиштето во с.Тремник каде што наскоро се планира децата од предучилишна возраст да бидат вклучени во целодневен престој. Во изминатиот период општината со сретства од буџетот ја изврши просторната адаптација (занимална и мини кујна со посебен влез) и ги обезбеди потребните апарти и садови за да може да се излезе во пресрет на оваа потреба. Наскоро се очекува ресорното Министерство за труд и социјална политика да изврши увид, по што ќе отпочне и функционирање на групата согласно барањата и потребите. Присутните на средбата беа информирани дека покрај оваа инвестиција за с.Тремник обезбедени се и дополнителни 13.000,000 денари за реконструкција на улица од влезот во селото во должина од 1000 метри.Овие сретства се обезбедени преку Агенцијата за финансиска поддршка на земјоделието и руралниот развој.

  Градоначалникот на општина Неготино Тони Делков заедно со општинската администрација оствари посета и изврши увид на лице место во Пчелниот парк во с.Вешје. Пред членови од Здружението „Неготински мед“ и други заинтересирани лица од ова населено место,  присутните без информирани дека општина Неготино веќе ги врши подготвителните активности за под-проектот „Вински апи и еко туризам во Неготино и околината“ за кој што општина Неготино има потпишано договор и за кој се обезбедени средства во износ од околу 16.500,000 денари од доверителските фондови на ЕУ и општина Неготино. Дел од средствата на овој проект ќе се искористат токму во с.Вешје каде што наскоро отпочнува и партерно уредување на Пчелниот парк, а ќе се изврши комплетна реконструкција и адаптација на Старата школска зграда во нов современ едукативно - туристички т.н Апи центар за развој на пчеларство. Со оглед на тоа што главен проблем за пристигнување до селото претставувува и локалниот пат, присутните жители со кои беа остварени средби беа информирани дека на делови од патот, иако се работи за нови градби кои се градени претходно,  сепак патот е во лоша состојба и мора да претрпи санација. Исто така, жителите беа запознати  дека се обезбедени и средства преку Агенцијата за финансиска поддршка на земјоделието и руралниот развој за изградба на нова делница од околу 800 нови метри , а се верува  дека реално ќе бидат обезбедени и средства за нови околу 500метри .

   Денес во општина Неготино  градоначалникот на општина Неготино и општинската администрација  во салата за состаноци одржаа информативна средба и  понудија можност за  дирекна посета на терен  со заинтересирани компании  во врска со Отворената постапка која е во тек , а која се однесува  на замена на уличното осветлување со ЛЕД светилки  во општина Неготино .Оваа постапка  е во  рамките на  проектот,,ЕНПОЛ-ЕЕ,,ИПА проект за прекугранична соработка со Грција кој предвидува замена на вкупно 1410  во општина Неготино и тоа  1100 на 67 улици  и локации во градот ( утврени со распоред) и  310 во  селата:Тимјаник, Пепелиште и Криволак .По завршување на постапката во периодот кој следува ќе се започне со дирекна имплементација на оваа компонента од проектот,,ЕНПОЛ-ЕЕ,,

   Градоначалникот на општина Неготино Тони Делков, вработени во локалната администрација, директори на образовни установи и вработени во Јавното претпријатие „Комуналец“ од нашиот град викендов спроведоа еднодневна еко-акција за расчистување на просторот околу Спомен-костурницата. Целта на акцијата беше собирање на расфрланиот отпад кој го нагрдуваше овој простор и негово расчистување и уредување, а по нејзиното завршување „комуналци“ со соодветна механизација го транспортираа отпадот на соодветно место за тоа.