|
 Во рамки на одржувањето на големиот музчки хепенинг насловен како „Negotino OFF Festival-2019“ што се одржа на градскиот плоштад во Неготино, а по повод завршувањето на учебната година, на над 30 ученици и нивните ментори од двете основни училишта во градот и средното општинско училиште градоначалникот на општина Неготино Тони Делков им додели вредносни ваучери како награда за постигнати резултати од областа на образованието. На сите ученици кои беа наградени, од негово лично име и како градоначалник на општина Неготино, Делков им честиташе на извонредните постигнувања, а јавна благодарност упати и до професорите и наставниците кои се години инвестираат во образованието на учениците и имаат клучна улога во обезбедувањето квалитетно образование кое секој ученик го подготвува во иднина да го реализира својот потенцијал. Можноста да им се обрати на присутните, градоначалникот Делков ја искористи да им порача дека „убавината на секое признание е во тоа што претставува награда за сработеното, но и мотив да се биде подобар во иднина“. Се надевам, додаде Делков, дека водејќи се од оваа девиза, нашите ученици-основци и средношколци и нивните ментори и во иднина ќе освојуваат вредни награди и признанија, а сето тоа ќе биде валоризирано преку традиционално одржување на овој настан и наредните години со доделување вредносни ваучери од страна на општина Неготино. |
|
Повеќе...
|
|
|
 Деновиве во просториите на ЈУОДГ „Фемо Кулаков“ во Неготино во рамките на спроведувањето на регионалниот проект за социјални права на ранливите групи-ГИС и општина Неготино се одржа дводневна обука за вработените воспитувачи,стручни лица-соработници. На обуката беа поканети и активно учество зедоа претставници од ЈУ Меѓуопштински центар за социјална работа Неготино, а обуката беше на тема „Работа со деца со пречки во развојот во градинките на територијата на општина Неготино“. Едукатори на обуката беа примариус доктор специјалист педијатар Иван Двојаков и дефектологот Даниела Саздова. |
|
Повеќе...
|
|
 По завршувањето на градежно-асфалтерските работи на патот од Дуброво до Војшанци во должина од 1,6 километри, работниците и механизацијата на Јавното претпријатие „Македонија пат“ продолжија со асфалтирање на патниот правец од Војшанци-општина Неготино до локацијата на поранешниот рибник кај селото Бистренци-општина Демир Капија. Како што информираат надлежните, се асфалтираат 3 километри од патниот правец Војшанци-Бистренци до должина од 3 километри со вкупна ширина на патот од 4 метри, а работите на овој пат се очекува да финишираат најдоцна до крајот на оваа работна недела. Со тоа, велат стручните лица, се заокружува асфалтирањето на делницата 2137 Дуброво-Војшанци-Бистренци-Корешница и се создаваат услови за непречено и безбедно одвивање на сообраќајот на овој патен правец.
|
|
Повеќе...
|
|
Почитувани граѓани,
И оваа година Мировен корпус има потреба од семејства-домаќини кои би сакале да прифатат волонтер/ка во периодот од 28.09.2019 до 07.12.2019. Заинтересираните семејства можат да пополнат формулар и да го достават до општината или, пак, да ни го испратат по имејл на следната адреса:
Оваа е-пошта е заштитена од spambots, треба да вклучите JavaScript за да ја видите
За дополнители информации ве молиме обратете се на телефоните на Мировен корпус: 02/3090-012 или 070/ 30-60-48.
Се радуваме на можноста за соработка! |
|
Реф.05-290
Покана за понуда
Согласно Одлуката на градоначалникот на општина Неготино бр.05-290/1 од 06.06.2019 за утврдување на потреба од доделување на договор за набавка за РАБОТИ (WORKS) за Проектот ЕНПОЛ -ЕЕ ,,Енергетска ефикасност во прекуграничната област како индикативен фактор на политиката за животната средина ,, или “Energy efficiency in the cross border area as an indicative factor for environmental policy” согласно Договорот за грант број ,,ЕНПОЛ-ЕЕ” SO2.1-SC025 од 25.05.2018 во рамките на ЕУ инструментот за предпристапна помош (ИПА) Програма ,,IPA 2014-2020 Cross-Border Cooperation (CBC) Programme Greece – The former Yugoslav Republic of Macedonia”, општина Неготино“ објавува ПОКАНА ЗА ПОНУДА со комплетна тендерска документација подготвена согласно процедурите на ЕУ (PRAG 2018) .
Истата е достапна во проектната канцеларија за Локален економски развој на општина Неготино–почнувајќи од 10.06.2019 година.
Вашата понуда треба да ја добиеме најкасно до 10.07.2019 (среда) до 09.00 часот.
Сесијата на отварање, согласно инструкциите во тендерската документација е планирана истиот ден 10.07.2019 во 10.00 часот.
Општина Неготино тендерскaта документација ја доставува за објавување и на веб страната на општина Неготино www.negotino.gov.mk и на страната на Програмата http://www.ipa-cbc-programme.eu/project-news/ |
|
Повеќе...
|
|
На 9 јуни (недела) на градскиот плоштад во Неготино ќе се одржи голем музички хепенинг под наслов “NEGOTINO OFF FESTIVAL 2019” на кој учество ќе земат познати музички артисти од земјава и регионот. Настанот е во организација на ивент агенцијата “Ентфинити”, а ко-организатор и покровител на истата е Општина Неготино. Овој настан ќе биде организиран по повод завршувањето на учебната година и се планира истиот во иднина да стане традиционален. Дел од богатата програма на “NEGOTINO OFF FESTIVAL 2019” ќе бидат најпознатите јутубери во земјава – Steffonator и GP, моментално најактуелното музичко дуо “2 Бона” заедно со Таско и специјалниот гостин на вечерта, големата балканска музичка ѕвезда - Саша Ковачевиќ.
Подржувачи на овој музички спектакл кој за првпат ќе се случува во нашиот град ќе бидат и голем број на спонзори, кои ќе бидат објавени дополнително. 
|
|
|
|
|
<< Почеток < Пред 111 112 113 114 115 116 117 118 119 120 Следно > Крај >>
|
|
Лист 120 од 314 |
