Почитувани, ни претставува особена чест и задоволство да Ве поканиме да присуствувате на двата информативни дена наменети за носители на одлуки на тема „Заштита на биодиверзитетот и човековото влијание во делот на загадувањето на отпадните води“ кои ќе се одржат на 2ри и 3ти октомври 2019, со почеток во 10:30 ч. во хотел Памела, општина Неготино. Регистрацијата на учесниците ќе започне во 10:00 ч.
Првиот инфо ден ќе биде отворен од страна на Градоначалникот на општината г – н Тони Делков и одговорните лица на проектот за општина Неготино и за општина Алмопиа, Грција. Понатаму, претставници на Министерството за животна средина и просторно планирање ќе је презентираат законската основа и моменталната состојба во државата од аспект на заштита на биодиверзитетот и управување со водите и отпадните води, а денот ќе се затвори со претставување на човековото влијание врз загадувањето на водите. Вториот инфо ден ќе биде отворен со презентација за значењето на пречистителните станици за секој град со проследување на видео од изградбата на постојните пречистителни станици во државата. Понатаму ќе бидат презентирани податоци за квалитетот на водите во државата и податоци од извршениот мониторинг на каналот за наводнување во Неготино и Тимјаничка (Неготинска ) Река. Вториот инфо ден ќе се затвори со посета на текот на реката со осврт на изведбата на колекторот и водоводната мрежа, испустите од канализација и сл.
Со цел подобра организација Ве молиме потврдете го Вашето присуство на 078-344-904 или на Оваа е-пошта е заштитена од spambots, треба да вклучите JavaScript за да ја видите најдоцна до 11:00 часот на 01 октомври 2019 година. Информативните денови се одржуваат во рамките на проектот ,,Заштита на водните ресурси со намалување на човековото влијание врз животната средина (”wa-mbrella). Проектот е финансиран во рамките на ЕУ инструментот за предпристапна помош (ИПА)  Програма ,,IPA 2014-2020 Cross-Border Cooperation (CBC) Programme Greece – Republic of North Macedonia”. Водечки партнер на проектот e  општина Алмопиа, Грција. Општина Неготино е  Партнер 2, Партнер 3 е Општинското Претпријатие за водовод и канализација на Алмопиа, Грцијa и партнер 4  е  ЈП ,,Комуналец“, Неготино.
Со надеж дека ќе ја прифатите нашата покана и ќе присуствувате на информативните денови, останувам со почит,     
Градоначалник, Тони Делков

  Денеска кога се навршуваат 28 години од загинувањето на нашиот сограѓанин Јован Димитров кој животот го загуби во воениот конфликт кој беснееше на просторот на поранешна Југославија пред неговото вечно почивалиште достојна почит му оддадоа неговите најблиски, роднини, пријатели и претставници на општина Неготино. До членовите на неговото семејство беше изразено најдлабоко сочувство за изгубениот млад живот, што претставува ненадоместлива загуба за најблиските и сите што го познаваа. Пред споменикот од страна на семејството, најблиските и пријателите беше положено свежо цвеќе со ветување дека и во иднина ќе продолжи негувањето на сеќавањата на прерано загинатиот Јован. Во негова чест, во организација на БК Неготино по 8 пат се одржа меморијалниот турнир во борење со учество на борачи од над 10 клубови од цела држава, а градоначалникот на општина Неготино кој е покровител на турнирот за најуспешните обезбеди пригодни награди и признанија.

 

  Во текот на месец октомври, оваа година, мултидисциплинарен тим на екесперти од Институтот за европски образовни, социо-културни и економски политики „Европа за тебе“ во соработка и со поддршка од општина Неготино во нашиот град ќе се одржи 4 семинари на тема „Превенирање на насилното однесување меѓу учениците во основните и средните училишта“.
Предвидено е со семинарите да бидат опфатени наставници од одделенска и предметна настава, професори од средни училишта, стручни соработници и директори на училишта од нашата општина.
Темите на семинарите ќе бидат со фокус кон правата на децата, повеќе аспекти на насилството и малтретирањето во училиштата, нивно рано препознавање и превенирање, презентација на позитивни европски практики за намалување на насилството, како и презентација на наоди од најновите релевантни истражувања спроведени кај нас, но и пошироко.
Семинарите кои имаат интерактивен карактер со динамична комбинација на теоретски и практични сознанија ќе бидат реализирани од еминентни и реномирани универзитетски професори со цел да им помогнат на учесниците не само да ги надградат своите знаења од областа на насилството во училиштата, туку и за размена на искуства од сопствената практика.
Семинарите е планирано да се одржат на 7 и 8 октомври оваа година, за што јавноста ќе биде дополнително и детално информирана.