Претседателот на Советот на општина Неготино Диме Витанов и директорката на ЈП „Комуналец“ – Неготино Марина Бојаџиева остварија средба со Заменик Амбасадорот на Сојузна Република Германија Ото Граф. Целта на оваа средба беше да се направи увид во добиената опрема од Програмата за мали грантови на Амбасадата на Сојузна Република Германија, како и разговор околу можностите за аплицирање за нови вакви мали грантови.

 

    Музејот на град Неготино беше посетен од страна на членови на Парламентот од Романија, во состав на:.Јоан Кристијан Киртеш,- сенатор, Претседател на групата за пријателство со Република Северна Македонија во Парламентот во Романија,
 Мариана Венера Попеску пратеник и Ралука Петронела Шербан, советник во Служба за надворешни билатерални односи.
Романската делегација беше во друштво на нивните колеги-пратеници од Неготино и Кавадарци, .Ристе Ташев и .Панчо Минов. Импресионирани од музејот и содржината во него, особено задоволни од презентираната етнолошка поставка во која е презентирана винската традиција во општина Неготино, се разговараше за соработка и размена на културното наследство преку аплицирање на програми за култура на двете земји!

   Во рамки на потпроектот „Вински апи и еко туризам во Неготино и околината“ во тек е уредување на жардинери и поставување на систем за наводнување капка по капка.
Проектот за локална и регионална конкурентост е финансиран од Европската Унија и Владата на Република Северна Македонија, се администрира од страна Светска банка, а се спроведува од страна на Кабинетот на Заменик Претседателот на Владата задолжен за економски прашања.