Во овие моменти кога нашата држава е погодедна од епидемијата од Корона вирусот, хуманата помош од општествено одговорните компании од нашата општина секогаш е добредојдена.
Имено, за потребите на ЈП „ Комуналец “ Неготино но вооедно и за доброто на сите граѓани од нашата општина , компанијата ДППТУ „ Корона Душко ДООЕЛ “ експорт-импорт  Неготино донираше атомизер со кој ќе се врши дезинфекција во град Неготино.
Општина Неготино упатува голема благодарност за оваа донација, а воедно ги повикуваме и сите останати фирми и граѓани од општината кои сакаат да помогнат во овие моменти да донираат и помогнат на било кој начин и да го спречиме ширењето на корона вирусот.

   По упатениот апел од страна на општина Неготино до сите правни и физички лица од нашата општина за донирање на средства и материјални добра, во изминативе денови неколку фирми покажаа општествена одговорност преку доделување донации кои беа поделени онаму каде што тоа е најпотребно. Денеска регистрираме донација од фирмата „Делта-тим“ од Тимјаник која донираше средства за хигиена и храна и истите во најкраток рок ќе бидат распределени на ранливите категории граѓани.

Од утре 24.03.2020( вторник) ОПШТИНА НЕГОТИНО во координација со ЈЗУ,,Здравствен Дом,,Неготино и ЈУМЦСР –Центар за социјални работи Неготино воспоставува психолошка поддршка за граѓаните од општина Неготино. Во услови кога се сочуваме со тешки моменти на епидемија од Корона вирусот во нашата држава и во светот ,во услови на секојдневна неизвесност и владеење на страв за себе , за своите најблиски и за целокупната заедница ,психолошката поддршка им е потребна на граѓаните. Согласно заклучоците и предлозите на координативното тело на општина Неготино ја воведуваме и оваа поддршка за нашите граѓани.

   Согласно мерките и препораките на Владата на Република Северна Македонија, општина Неготино упатува јавен апел до превозниците на линиски превоз и такси компаниите од нашата општина. Имено, на сите превозници на линиски превоз на патници им се препорачува да го намалат бројот на линиите за превоз на патници и да ги почитуваат донесените мерки и препораки за превоз на патници. Воедно, се препорачува и такси компаниите од општината да го намалат бројот на возила за превоз на патници, да се почитува препораката за држење растојание меѓу патниците, како и да се почитува забраната за движење за времетраењето на полицискиот час.

   Градоначалникот на општина Неготино Тони Делков упатува јавна и огромна благодарност до совесните граѓани - волонтери за пружената несебична поддршка кои дежураат и вршат дезинфекција на сите возила кои влегуваат на двата мобилни пунктови на влезот на град Неготино.  Исто така, однапред им се заблагодарува и на пријавените волонтери за деновите кои следуваат! Паралелно, градоначалникот Делков апелира секој граѓанин кој е во можност и сака да даде придонес во борбата за спречување на коронавирусот, односно да волонтира во наредните денови, може да се пријави на телефонскиот број +389 76 222 323 кај лицето Јордан Коцев. Сето ова со единствена цел, сите заедно со здружени сили да го спречиме ширењето на опасниот вирус!