Секојдневно расте бројката на правни и физички лица од општина Неготино кои се одзваа на апелот на локалната самоуправа и преку донација на финансиски средства, заштитна опрема и прехранбени продукти даваат сопствен придонес во битката за справување со корона вирусот. Така, фирмата „Риле декор“ од Пепелиште донираше финансиски средства во висина од 15.000 денари кои општина Неготино ќе ги намени за набавка на хигиенски средства кои ќе им бидат поделени на ранливите групи граѓани.

   Со цел за поефикасно справување со пандемијата од Ковид 19 и превентивна заштита на здравјето на граѓаните, општина Неготино обезбеди и подели заштитни маски за повеќекратна употреба. Така, заштитни маски им беа доделени на вработените во ОВР Неготино, во Матичната служба, за потребите на припадниците на Противпожарната единица од нашиот град и вработените во Шумската полиција. Со цел за заштита на здравјето на населението, заштитни маски се делеа на граѓани на градскиот плоштад во Неготино, на возачите на авто-такси возила и на граѓаните кои пазаруваа од Кам маркетот.

#ОстаниДома

    По доставените пакети со средства за лична хигиена во Војшанци и Пепелиште денес донирани се пакети за социјално загрозените семејства од населеното место Криволак. Тимовите и во следниот период ќе бидат на терен и ќе помагаат онаму каде што е најпотребно.

Благодарност и до Автошколата „ 15 Јануари “ Неготино за донацијата на пакетчиња со средства за лична хигиена како и топли напитоци ( чај ) и мултивитамини.

Општина Неготино покажува дека има општествено одговорни компании кои помагаат во овие моменти.