Во текот на денешниот ден екипи на ЈП „ Комуналец “ Неготино, ТППЕ и волонтери од општина Неготино со своја расположлива механизација извршуваат дезинфекција на сите улици во градот со цел за намалување и спречување на ширењето на Корона вирусот. Во оваа акција се вклучени и механизации и екипи од фирмите „ АД Венец “ Долни Дисан , „ АД Црвени Брегови “ и „ Агро сервис 2000 “, на кои им упатуваме огромна благодарност за нивната несебична поддршка за справување со ситуацијата со КОВИД 19 во нашата општина. |
Повеќе...
|
Средства за лична хигиена, средства за дезинфекција на домовите и други неопходни работи за време на вонредна состојба донираше фирмата „Коди-ком“ од Неготино. Вредноста на донацијата изнесува 40.000 денари за што општина Неготино изразува јавна благодарност до донаторот и информира дека донираните производи ќе бидат дистрибуирани до ранливите категории граѓани на кои помошта во овие мигови им е најпотребна. |
Повеќе...
|
И компанијата „КИМ“ од Неготино со донација се вклучи во масовната акција за доделување помош за полесно справување со корона вирусот. Имено, оваа неготинска компанија донираше производи од сопствената богата палета во вредност од 6.000 денари. Општина Неготино упатува јавна благодарност за донацијата и информира дека производите ќе бидат распределени онаму каде што ќе се оцени дека е најпотребно. |
Повеќе...
|
Општина Неготино во соработка со приватниот сектор обезбеди и стави во функција уред за автоматска дезинфекција на возилата со што се постигнува поголема ефикасност и намалување на потребата од човечки ресурси. Првиот уред кој веќе работи е поставен на влезот од Неготино кај старите погони на ФЕМ и со истиот се дезинфиницираат сите возила кои влегуваат во нашиот град, а во функција ќе се стави и вториот уред на влезот во Неготино од Кавадарци. Локалната самоуправа упатува благодарност до фирмата „Ал-кито“, Марина метал и други фирми кои помогнаа за брза и аефикасна подготовка и ставање во функција на уредите за автоматска дезинфекција на возилата. Општина Неготино и понатаму продолжува со преземање на соодветни мерки за заштита од корона вирусот. |
Повеќе...
|