Се продолжува со  градежните активности за  изведба на главен колектор за отпадни води за поврзување на село Тимјаник со канализациониот систем во Неготино во должина од околу 2000м.Вредноста на договорот изнесува 207.967евра.Согласно договорот работите би требало да завршат до крајот на месец Јули годинава, но поради новонастанатата ситуација со COVID 19 и ограничениот режим на работа и движење можни се евентуални потреби за продолжување на роковите утврдени со договорт. Изградбата на овој колектор е во рамките на проектот „Заштита на водните ресурси со намалување на човековото влијание врз животната средина со акроним wa-mbrella “ и истиот е финансиран со средства обезбедени од  првиот повик од INTERREG програмата за прекугранична соработка Грција-Република Северна Македонија 2014-2020.Општина Неготино е проектен корисник 2,додека ЈП,,Комуналец,,Неготино е проектен корисник 4 во истиот проект.

Почитувани граѓани,
8 Април е денот кој е посветен на историјата и културата на Вас Ромите. Меѓународен ден кој се одбележува низ целиот свет афирмирајќи ја потребата за поголема поддршка на Ромите, како интегрален и рамноправен дел од македонското општество, негувајќи ги својот јазик, култура и традиции.
Од мое лично име како градоначалник но и од име на локалната самоуправа Ви го честитам денешниот празник, а воедно ја користам приликата да истакнам дека како градоначалник но и општина ќе продолжиме да ги негуваме односите со сите припадници од ромската заедница, секогаш ќе бидеме достапни да ги слушнеме вашите проблеми но и да најдеме заеднички решенија за нивно решавање со цел за подобрување на вашиот статус како граѓани на општина Неготино но и созадавање на подобри услови во секојдневното живеење.
Нека Ви е честит празникот !