Градоначалникот на општина Неготино Тони Делков заедно со претседателот на Националната спортска федерација на слепи лица за отворено го прогласија Државното првенство во гол-бал за слепи лица кое од денеска до недела се одржува во СС Младост во нашиот град, а на сите учесници им посакаа фер и коректна игра со желби победата да ја однесат најдобрите. По одржаните квалификациски натпревари, на завршниот финален турнир во Неготино учествуваат 6 екипи од Прилеп, Тетово, Скопје, Кавадарци, Битола и Куманово, а според распоредот дневно ќе се одигруваат по максимум 5 натпревари со строго почитување на пропишаните здравствени протоколи за заштита од Ковид 19. Турнирот завршува во недела кога ќе бидат прогласени најдобрите екипи и ќе бидат доделени пехари и медалји за 3-те првопласирани екипи. |
Повеќе...
|
|
Со интензивирањето на градежните активности околу изградбата на новиот кружен тек во близина на зградата на ОВР Неготино, се јавува потреба од изменет режим на сообраќај во тој дел на градот. Имено, во деновите од петок 24.09 до недела 26.09. ќе се врши асфалтирање на кружниот тек и поради безбедно одвивање и на работите и на сообраќајот, се известуваат граѓаните дека овие 3 денови ќе има изменет режим на сообраќај односно тешките товарни возила кои ќе сообраќаат на патниот правец кон Кавадарци и обратно ќе бидат пренасочувани преку патниот правец Росоман – Кавадарци. Токму затоа, се замолуваат граѓаните за разбирање и почитување на режимот и поставените сообраќајни знаци. Со завршувањето на изградбата на новиот кружен тек ќе се реши деценискиот проблем со сообраќајниот хаос на најфреквентната раскрсница во градот и ќе се создадат услови за зголемена безбедност на сите учесници во сообраќајот. |
Во организација на општина Неготино, Стопанската комора и Здружението Еко-вита се одржа презентација на можностите за производство на енергија преку искористување на земјоделски отпад, како на пример лозови прачки, гранки од праски, сливи и слично кои имаат висока калорична вредност од речиси 99 отсто, исто како и пелетите и брикетите. Идејата е преку нивно рециклирање да се дојде до искористување на земјоделскиот отпад преку 2 аспекта- енергијата која се губи во природата и заштита од заразни болести во лозарството преку собираање на заразени прачки кои потоа би се гореле. На тој начин, отпадот од виновата лоза и гранките од овошки, односно био маса, би се согорувал и претварал во топлинска енергија. За таа цел, беше претставен прото-тип на машина за рециклирање на отпадот кој би се собирал од земјоделските површини, истиот се складира во контејнери, се гори во индустриски печки и се добива топлинска енергија, а подоцна има можност и за електрична енергија. Свои излагања на презентацијата имаа експерти од оваа област, а со свои прашања и дискусии се вклучија и заинтересираните присутни на настанот. |
Повеќе...
|
Во дворот на Општинската установа Музеј на град Неготино се одржа промоција на монографијата насловена како “Хумана мисија и активно стареење“ по повод 10 години Клуб на пензионери-хуманисти “Анри Динан“ од Неготино и по повод 20 септември - Денот на пензионерите. Промоцијата започна со воведно излагање на Петар Стефанов во кое што го раскажа целиот пат и настани од основањето на клубот па се до денес. Почетоците се од 2010 година како предизвик од зголемувањето на бројот на волонтерите и јакнење на волонтерскиот капацитет, како движечка сила за имплементација на активностите насочени кон подобрување на животот на ранливите целни групи од заедницата. За таа цел Општинската организација на Црвениот крст, вклучувајќи се во Програмата за интензивна надградба на капацитети (ИНК) на Црвениот крст, својата активност ја насочи кон вклучување на волонтери од трето доба бидејќи тие со своето работно и животно искуство, желбата за волонтирање, хуманите капацитети и активирањето на разните видови хуманитарни ангажмани ќе придонесат за квалитетно и квантитативно јакнење на човечките ресурси во Црвениот крст. Идејата беше предочена во проект, изготвен од Александар Гичовски, професор по македонски јазик во СОУ “Св.Кирил и Методиј“ од Неготино, кој беше и усвоен од Црвениот крст на Македонија, поддржан и поткрепен со финансиска помош од 70.000, денари. Веднаш по усвојувањето на проектот, Извршниот одбор на Општинската организација на Црвен крст-Неготино определи лица за координација и комуникација во подготвителната фаза од реализацијата на проектот. За пензионерите е определен Петар Стефанов-член на Извршниот одбор, за младите-Александар Гичовски, а за комуникација со институции и фирми и за буџет-Блаже Настов-Секретар на Општинската организација на Црвен крст-Неготино.
|
Повеќе...
|
Градоначалникот на општина Неготино Тони Делков изразува најискрено сочуство до семејствата на загинатите во пожарот кој ја зафати модуларната болница во општина Тетово во која се лекуваа болни од КОВИД 19, а на сите повредени им посакува брзо закрепнување. |
Покрај реконструкцијата на коловозот и тротоарите на улицата утврдено е дека е потребна замена на водоводната линија долж цела улица со приклучоци до самите објекти како и изградба на два дополнителни сливници за атмосферски води со кои ќе ги решиме проблемите кои најчесто се предизвикани од поројни дождови. По изведување на овие активности следува тампонирање и асфалтирање на целата улицата како и реконструкција на постоечките тротоари. Според утврдената динамика се очекува градежните работи комплетно да завршат до првата половина од месец октомври |
Повеќе...
|
|
|
|
<< Почеток < Пред 31 32 33 34 35 36 37 38 39 40 Следно > Крај >>
|
Лист 34 од 314 |