Со 8 гласа „за“ за нов претседател на Советот на општина Неготино во наредниот 4-годишен мандат на денешната конститутивна седница беше избрана Роза Јаневска од ВМРО-ДПМНЕ и коалицијата. На изборот на Јаневска предходеше верификација на мандатите на 14 присутни од 15-те избрани советници (поради отсуство на еден советник, беше одложена верификацијата на неговиот мандат), а потоа присутните советници дадоа свечена заклетва. Во продолжение од седницата се изврши избор на претседател и членови на постојаните комисии кои функционираат во состав на Советот на општина Неготино. |
|
ПОЧИТУВАНИ СОВЕТНИЦИ, ПОЧИТУВАНA РОЗА ЈАНЕВСКА-ПРЕТСЕДАТЕЛ НА СОВЕТОТ НА ОПШТИНА НЕГОТИНО, ЈА КОРИСТАМ МОЖНОСТА ПО ВЕРИФИКАЦИЈАТА НА ВАШИТЕ МАНДАТИ ДА ВИ ГО ЧЕСТИТАМ ИЗБОРОТ И ДА ВИ ПОСАКАМ УСПЕШНА И ПЛОДНА РАБОТА ВО НАРЕДНИОТ ЧЕТИРИГОДИШЕН ПЕРИОД ! ПОЧИТУВАНИ ! ИЗБОРИТЕ ЗА ГРАДОНАЧАЛНИК И СОВЕТНИЦИ ЗАВРШИЈА, ГЛАСАЧИТЕ СИ ГО КАЖАА СВОЕТО И ПРЕД НАС Е ПЕРИОД КОГА ИСКАЖАНИТЕ ЗБОРОВИ ВО ПРЕДИЗБОРНАТА КАМПАЊА ТРЕБА ЧАС ПОСКОРО ДА ЗАПОЧНЕМЕ ДА ГИ ПРЕТОЧУВАМЕ ВО ДЕЛА. ВО ИНТЕРЕС НА ГРАЃАНИТЕ И НА ОПШТИНА НЕГОТИНО Е И ПОКРАЈ РАЗЛИЧНОСТИТЕ, ДА БИДЕМЕ СПЛОТЕНИ ВО ОСТВАРУВАЊЕТО НА ЗАЕДНИЧКИТЕ ЗАЛОЖБИ-НЕГОТИНО И НАСЕЛЕНИТЕ МЕСТА ДА ГИ НАПРАВИМЕ ПОУБАВИ И ПОПРИСТОЈНИ МЕСТА ЗА ЖИВЕЕЊЕ, А ТОА ЌЕ МОЖЕМЕ ДА ГО СТОРИМЕ САМО ПРЕКУ ЗАЕДНИЧКА СОРАБОТКА И КООРДИНАЦИЈА, ПРЕКУ СООЧУВАЊЕ АРГУМЕНТИ ПО ОДРЕДЕНИ ТОЧКИ КОИ ЌЕ СЕ НАЈДАТ НА ДНЕВЕН РЕД НА СЕДНИЦИТЕ НА СОВЕТОТ НА ОПШТИНАТА, ПА НА КРАЈОТ НА КРАИШТАТА ЧИИ АРГУМЕНТИ ЌЕ ИМААТ ПОГОЛЕМА ТЕЖИНА И ИЗДРЖЛИВОСТ, СО ГЛАСАЊЕ НА СОВЕТНИЦИТЕ НЕКА БИДАТ УСВОЈУВАНИ ПРЕДЛОЗИТЕ И ОДЛУКИТЕ КОИ ВО ТОЈ МОМЕНТ ЌЕ БИДАТ НАЈПОТРЕБНИ. ЈАС НА ОВИЕ ИЗБОРИ ПРЕД ГРАЃАНИТЕ НА ОПШТИНА НЕГОТИНО НАСТАПИВ СО СОПСТВЕНА ПРОГРАМА СО ПРОЕКТИ И АКТИВНОСТИ КОИ ОЧЕКУВАМ ДА БИДАТ РЕАЛИЗИРАНИ ВО ПЕРИОДОТ ПРЕД НАС, НО ИСТО ТАКА, ЈА ИСКАЖУВАМ СВОЈАТА ОТВОРЕНОСТ ЗА ПРИФАЌАЊЕ И ДРУГИ ПРЕДЛОЗИ, СУГЕСТИИ И ЗАБЕЛЕШКИ, КАКО ОД ВАС СОВЕТНИЦИТЕ, ТАКА И ОД ЗАИНТЕРЕСИРАНИТЕ ГРАЃАНИ ОД ОПШТИНА НЕГОТИНО. АКО ТОА Е ВО ИНТЕРЕС НА СИТЕ НАС И ДОКОЛКУ ФИНАНСИСКИТЕ МОЖНОСТИ ВО ОДРЕДЕН МОМЕНТ ТОА ГО ДОЗВОЛУВААТ, ИСТИТЕ ЌЕ БИДАТ РЕАЛИЗИРАНИ. КАКО ГРАДОНАЧАЛНИК, ДОЛЖНОСТ И ОБВРСКА МИ Е, А ТОА И ЌЕ ГО СТОРАМ, ДА НАПРАВАМ ЕДНА ДЛАБИНСКА АНАЛИЗА И ДА СЕ ЗАПОЗНААМ ПОДЕТАЛНО СО ФИНСНСИСКАТА СОСТОЈБА НА ОПШТИНАТА, КАДРОВСКИОТ ПОТЕНЦИЈАЛ, ОРГАНИЗАЦИОНАТА ПОСТАВЕНОСТ НА ВРАБОТЕНИТЕ И ЌЕ СТОРАМ СЕ, СЕ РАЗБИРА СО ВАША ПОДДРШКА, ЛОКАЛНАТА САМОУПРАВА ВО НАРЕДНИТЕ 4 ГОДИНИ ДА БИДЕ ИСКЛУЧИВО ВО ФУНКЦИЈА НА ГРАЃАНИТЕ, СТОПАНСТВОТО И ИНСТИТУЦИИТЕ ВО ОПШТИНА НЕГОТИНО. ВИ БЛАГОДАРАМ ЗА ВНИМАНИЕТО СО КОЕ МЕ СОСЛУШАВТЕ И СЕ НАДЕВАМ ДЕКА ВО НАРЕДНИОТ 4-ГОДИШЕН ПЕРИОД КОЛКУ ШТО ТРАЕ МОЈОТ И ВАШИОТ МАНДАТ ЌЕ ИМАМЕ УСПЕШНА И ПЛОДНА СОРАБОТКА, ПРВЕНСТВЕНО ВО ИНТЕРЕС НА ГРАЃАНИТЕ НА ОПШТИНА НЕГОТИНО ! |
По доделувањето на Уверението од страна на Општинската изборна комисија, денеска новоизбраниот градоначалник на општина Неготино Горан Стојанов по чинот на примопредавање и официјално ја презеде функцијата градоначалник на општина Неготино. Во своето обраќање Стојанов ја искажа својата подготвеност за целосно вложување во реализацијата на проектите од неговата Програма со која ја доби довербата на гласачите во првиот круг од изборите и истакна дека веќе од утре ќе започне со спроведување на проектите и активностите од програмата. Основна цел на моето и работењето на локалната самоуправа, рече Стојанов, ќе биде Неготино и населените места да ги направиме поубави и попристојни места за живеење за сите граѓани. |
Повеќе...
|
На пригодна свеченост што се одржа во салата за состаноци на локалната самоуправа, од страна на Општинската изборна комисија на новоизбраниот градоначалник Горан Стојанов од ВМРО-ДПМНЕ и коалицијата кој победи во првиот круг со освоени 5.855 гласови или 51,94% од излезените избирачи му беше врачено уверението за избор за градоначалник. Во своето обраќање Стојанов се заблагодари на сите учесници во изборниот процес, а посебна благодарност упати до гласачите кои својот глас го дадоа за неговиот избор и советничката листа на ВМРО-ДПМНЕ и коалицијата. Уверенија им беа врачени и на 15-те новоизбрани советници во Советот на општина Неготино во кој ќе партиципираат 7 советници од ВМРО-ДПМНЕ и коалицијата врз основа на освоените 4.776 гласови за листата, СДСМ и коалицијата во општинскиот Совет ќе бидат претставувани од 7 советници со освоени 4.336 гласови за советничката листа и 1 советник има Левица со освоени 1.035 гласови за советничката листа. Мандатот на Градоначалникот Горан Стојанов и на советниците трае 4 години. |
Повеќе...
|
Општина Неготино го објави огласот за поднесување предлози за добитници на највисоките општински награди и признанија кои се доделуваат по повод празникот на општината 8-ми Ноември-Денот на ослободувањето на Неготино. Признанијата се доделуваат секоја година како израз на највисоко општинско признание што се доделува за посебни постигнувања во одредени области на поединци и институции од општината. Наградата и признанијата по повод 8-ми Ноември се доделуваат на поединци, претпријатија и други организации, установи, здруженија на граѓани и заедници чии дела, односно резултати во работењето и дејствувањето, придонесле за нивна лична и афирмација на општина Неготино. Право на поднесување на предлози за добитници на наградата и признанијата имаат сите заинтересирани граѓани, претпријатија, установи, здруженија, месни заедници и групи граѓани до архивата на општина Неготино, а крајниот рок за доставување предлози е петок 22 октомври Наградите и признанијата на добитниците ќе им бидат доделени на свечената седница која ќе се одржи во понеделник на 8-ми Ноември -Денот на ослободувањето на Неготино.
|
Поради безбедносно извршување на планираните активности, Командата на гарнизонот Криволак го информира месното население кое гравитира околу Армискиот полигон дека во периодот до 31 октомври, оваа година, на повеќе реони на полигонот ќе се реализираат обука и гаѓања. Токму затоа, во наведениот период се забранува секакво движење и престој на луѓе, моторни возила и стока, како и оставање на возила во тие реони, а исто така се забранува и било какво земање или допирање на неексплодирани проектили или средства кои можат да бидат опасни по живот. Доколку се пронајдат такви средства, потребно е истите да бидат соодветно одбележани и паралелно да се известат надлежните органи од полигонот или најблиската полициска станица. Вежбалиштата на кои ќе се изврѓуваат планиранитеактивности ќе бидат видно одбележани согласно законските прописи на Армијата, а ќе биде присутно и физичко обезбедување. |
|
|
|
<< Почеток < Пред 31 32 33 34 35 36 37 38 39 40 Следно > Крај >>
|
Лист 33 од 314 |