УСАИД во Повардарието започна нов проект за мали и микро претпријатија кој ќе го поддржува растот на претприемачите, сопствениците на мали и микро фирми и тоа преку размена на искуства, консултантство о поддржка за извоз и инвестиции. Како што беше потенцирано на неговата промоција во Кавадарци, проектот е уникатна можност за добивање обука и практични знаења, услуги за поддршка на бизниси и финансиски капитал, сето тоа насочено кон стимулирање повисока стапка на раст и создавање нови работни места во секторот за мали и микро претпријатија.

   Делегација на Германската KFV банка за обнова и развој предводена од проектниот менаџер Роза Екле престојуваше во работна посета на општина Неготино при што оствари работна средба со градоначалникот Пане Трајков , претставници на локалното комунално претпријатие Комуналец и општинската администрација и на лице место се запозна со актуелните состојби во делот на водоснабдувањето на подрачјето на општината. Колку за потсетување, пред извесен период беше потпишан договорот за финансирање за реализација на проектот ,, Водовод и канализација – фаза 1 ,, со кој на неготинското комунално претпријатие му беа одобрени средства во износ од 249.569 евра со рок на отплата од 28 години, грејс период од 10 години и годишната каматна стапка од само 2 отсто.

  Општина Неготино во соработка со МТСП и Британски Совет го спроведуваше проектот – Ефикасно спроведуваење на Законот за заштита и спречување на дискриминација , кој имаше за цел запознавање на јавноста со овој Закон и подигање на свеста за заштитата на човековите права и почитувањење на различностите.
По успешната реализација на проектот кој се спроведуваше во 12 општини во Р. Македонија , МТСП организираше завршен настан во просториите на Влада на РМ на кој беа поканети градоначалниците на 12 –те општини , и на кој Министерот за труд и социјална политика им додели на Градоначалниците Сертификат за општини без дискриминација.

  Градоначалникот на општина Неготино Пане Трајков и директорот на Работничкиот универзитет Коста Солаков на посетителите кои успешно ја завршија обуката за компјутери и странски јазици  им врачија дипломи. Станува збор за реализација на проектот Стручна квалификација – предуслов за подобра перспектива во чие спроведување учество зедоа 100 кандидати од општина Неготино кои предходно се пријавија по распишаниот оглас од страна на локалната самоуправа. Кандидатите кои ја следеа наставата беа поделени во 10 групи и тоа по информатика 5 групи со по 8 учесници, англиски јазик 4 групи со по 13 кандидати, додека францускиот јазик го изучуваше една група од 8 кандидати. Проектот беше финансиран со средства од Буџетот на општина Неготино во висина од 300.000 денари, а градоначалникот Трајков најави дека доколку во буџетот за наредната година се предвидат средства, реализација на уште еден ваков проект може да се очекува и во 2012 година.

   Градоначалникот на општина Неготино Пане Трајков на 21 наставник и помошен кадар од двете основни и општинското средно училиште од градот им ги подели согласностите за вработување на неопределено време. Станува збор за наставници кои повеќе од 2 години работеле по договор на дело и кои на пригодната свеченост добија решенија за трајно вработување притоа не криејќи го сопственото задоволство од конечното решавање на нивниот егзистенцијален проблем. Градоначалникот Трајков на наставниците им посака во својот работен век на прво место да ги стават учениците и нивното образование. Инаку, доделувањето на согласностите се должи на измените и дополнувањата на Законот за работни односи со кои наместо дотогашните 5, решенијата за трајно вработување се доделуваат по 2 години непрекината работа во образовните установи.