„Не е важно за колкав временски период е решен еден проблем, не е во прашање ниту висината на финансиските средства потрошени за реализацијата на проектот, најважно од се е дека со спроведувањето на проектот „Хидраулично регулирање на притисокот на водата“ се постигна очекуваниот ефект – после 30 години во кои граѓаните на Неготино се соочуваа со недостиг од вода за пиење укинати се 12 часовните редукциии и обезбедено е континуирано 24 часовно водоснабдување за населението“ – истакна градоначалникот на општина Неготино Ванчо Апостолов на денешната презентација на споменатиот проект од страна на стручни лица од фирмата ИМГД од Хрватска кои во изминатите 3 месеци беа ангажирани на реализацијата на проектот. – Не застануваме овде, додаде Апостолов и додаде дека веќе е потпишан договорот со Светска банка и најверојатно од април ќе започне релаизацијата на проектот за реконструкција на водоводната мрежа на улици во Неготино во должина од 8 километри, планирана е изградба на 2 нови резервоари за обезбедување дополнителни количини вода за пиење, се поставуваат водомери онаму каде што досега ги немаше, со еден збор се спроведуваат активности со кои за неготинци ќе се обезбеди редовно водоснабдување во наредните 100 години.

   Утре со почеток од 12 часот во големата сала на општина Неготино ќе се одржи презентација на проектот „Хидраулично регулирање на притисокот на водата за пиење “ – проект кој Неготино го имплементираше како прв град во Македонија и со кој се постигнаа очекуваните резултати за значително подобрување на водоснабдувањето и укинувањето на редукциите на вода за пиење. Според агендата за работа, најпрво обраќање пред присутните ќе има градоначалникот на општина Неготино Ванчо Апостолов, презентацијата на проектот ќе ја изврши Горан Дуниќ-сопственик на фирмата ИМГД од Самобор-Хрватска, а за ефектите и придобивките од реализацијата на овој проект на територијата на Неготино презентација ќе има директорката на ЈП Комуналец Наташа Лазова. Во продолжение ќе следуваат евентуални прашања од присутните и одговори од надлежните до кои истите се поставени.

   Во спортската сала “Капетан Кирчо Димитриов“, при ОУ “Ванчо Прке“ во Виница, се одржа турнир на ракометниот клуб Торо Спорт од Виница, кој е дел од Ракометната академија на Металург.
На турнирот настапија школите: Тиквеш Металург (Кавадарци), Торо Спорт (Виница), РК Вардар-Неготино (Неготино) и РК Берово (Берово), во машка конкуренција, и Астра Спорт (Македонска Каменица), РК Берово (Берово), РКЖ Вардар-Неготино (Неготино) и Торо Спорт (Виница), во женска конкуренција.
На турнирот е прикажан одличен ракомет и постигнати се следните резултати:
Машка конкуренција:
РК Вардар-Неготино – РК Берово  11:7
Торо Спорт – Тиквеш Металург  14:17
Меч за третото место:  Торо Спорт – РК Берово  15:10
Финале:  РК Вардар-Неготино – Тиквеш Металург  20:14

   Градоначалникот на општина Неготино Ванчо Апостолов на одржаниот заеднички состанок, на сите волонтери од Средното општинско училиште „Свети Кирил и Методиј“ кои зедоа активно учество во спроведувањето на дел од активностите околу реализирањето на манифестацијата „Недела на виното“ од име на локалната самоуправа им додели благодарници. Апостолов истакна дека сите тие дадоа огромен придонес во делот на доставата на храна на централната свеченост по повод празникот на лозарите „Свети Трифун“ и придонесоа за успешно организирање на овој настан на здоволство и на организаторот и на многубројните посетители. Благодарници им беа врачени на околу 50 ученици од неготинското СОУ „Св. Кирил и Методиј“, а во нивна чест беше организиран и скромен коктел.