Најдоцна за 1 месец, според очекувањата на градоначалникот на општина Неготино Ванчо Апостолов, треба да започнат првите градежни работи во Индустриската зона „Неготино“ во близина на Црвени Брегови. Како што е општо познато, во изминатиот период локалната самоуправа благодарение на извонредната местоположба на зоната успеа да ги продаде сите парцели на површина од 25 хектари на кои е предвидена изградба на стопанско-индустриски капацитети од Г-2 лесна и незагадувачка индустрија- капаците со чие започнување со работа ќе се овозможи и вработување на невработени лица од општина Неготино, а можеби ќе се јави потреба и од вработување на лица и од соседните општини. Градоначалникот Апостолов потенцира дека огромниот интерес кој што беше присутен при купувањето на постоечките парцели, кај него поттикнува размислувања за проширување на оваа индустриска зона со нови парцели на површина од околу 20 хектари.

   Подобрување на условите за живот во руралните средини во општина Неготино и останатите општини од Вардарскиот регион е крајната цел на имплементацијата на проектот „Воведување и спроведување на ЕУ ЛЕАДЕР пристапот„ што Центарот за развој на Вардарскиот плански регион го спроведува во рамките на проектот за експанзија на мали бизниси поддржан од УСАИД и Швајцарската влада. Градоначалникот на општина Неготино Ванчо Апостолов кој го поддржа спроведувањето на овој проект рече дека очекува создавање на услови за подобрување на квалитетот на живеење во руралните средини преку едукација на населението, модернизација и унапредување на земјоделското производство, отворање на градинки за деца и обновување на стари училишта и слично. На информативниот ден беше истакнато дека ЛЕАДЕР претставува посебен метод во политиката на ЕУ за рурален развој и е важна компонента од заедничката земјоделска политика на земјите членки на Унијата.

   Денеска во работниот клуб на Центарот за вработување во Неготино се одржа вториот отворен ден на Агенцијата за вработување на Република Македонија. Притоа, средба со невработените лица и со работодавачите остварија директорот на Агенцијата Влатко Поповски, градоначалникот на општина Неготино Ванчо Апостолов и директорката на неготинскиот Центар за вработување Кристина Чадамова, а активно учество зедоа и стручните лица од Центарот за вработување. На отворениот ден Поповски, Апостолов и Чадамова ги презентираа активните мерки за вработување кои се актуелни во овој период и услугите на агенцијата, како и со напорите што локалната самоуправа ги прави за создавање услови за отворање нови капацитети. Директорот Поповски информираше дека во тек се повеќе мерки преку чија реализација се очекува да се зголеми бројот на вработените во општина Неготино, директорката Чадамова рече дека најголем интерес има за мерката самовработување преку грант од 3.000 евра во опрема со пријавени 39 невработени лица, додека градоначалникот Апостолов истакна дека е горд што моментално бројката на невработени е на најниско ниво од 2006 година до денес и дека очекува на местото на продадените парцели на 25 хектари во Индустриската зона Неготино да никнат нови производствени капацитети во кои ќе се вработуваат граѓаните од неготинска општина.

   Во рамките на реализацијата на годишната Програма за комунални дејности на општина Неготино во делот на зимското одржување на улици и патишта на територијата на нашата општина, викендов стручни екипи од локалната самоуправа со механизацијата на фирмата избрана за изведување на овој вид работи беа ангажирани на расчистување на наносите од снег на патниот правец Долни Дисан-Горни Дисан-Вешје во должина од 7 километри. Интревенцијата се должи на реакциите на месното население од овој регион кои се соочуваа со проблеми при движењето, по што уследи работната активност од страна на локалната самоуправа. Притоа, исчистен е снеготи долж целиот предходно споменат потег, патот е пробиен и осбособен за нормално одвивање на сообраќајот и движење на локалното население.