Голем број заинтересирани граѓани на градскиот плоштад во Неготино со внимание ја проследија тактичко-показната вежба „Спасување и извлекување на повредени лица од возила при случена сообраќајна несреќа“ со што наедно и се одбележа денешниот ден 20-ти мај – Денот на пожарникарите. Активностите на терен беа демонстрирани од страна на припадниците на Територијалната противпожарна единица-Неготино, а самиот настан беше во организација на Општинскиот противпожарен сојуз под покровителство на општина Неготино и Противпожарниот сојуз на Македонија. Во поздравниот говор градоначалникот Ванчо Апостолов на сите пожарникари им го честиташе денешниот ден посакувајќи им да имаат што е можно помалку работа и со порака доколку се јави потреба од нивна интервенција, таа да биде брза и ефикасна, за што неготинските пожарникари на располагање имаат 3 противпожарни и 3 теренски возила од кои едно е ново донација од Владата на РМ, т.е Дирекцијата за заштита и спасување, а кои ги опслужуваат вкупно 11 пожарникари. Инаку, присутните на плоштадот имаа можност да проследат и активност за гасење на пожар на запаливи течности со ПП апарат, како и да ја погледнат и да се запознаат со опремата со која располага Територијалната противпожарна единица од Неготино.

   Во среда на 20 мај на градскиот плоштад во Неготино со почеток од 10,20 часот во организација на Општинскиот противпожарен сојуз, а под покровителство на Противпожарниот сојуз на Македонија и општина Неготино ќе се изврши тактичко показна вежба „Спасување и извлекување на повредени лица од возила при сообраќајни несреќи“, како и „Гасење на пожар на запалливи течности со проптивпожарен апарат“. Пред почетокот на вежбите, поздравен говор до присутните ќе имаат претставникот на Општинскиот противпожарен сојуз и градоначалникот на општина Неготино Ванчо Апостолов, а во вториот дел од програмата сите присутни на градскиот плоштад ќе можат да ја погледнат и преку презентација да се запознаат со противпожарната опрема со која располага Територијалната противпожарна единица од Неготино.

Флаер

Апликација

   Во организација на општина Неготино, а во соработка со Градскиот шаховски клуб “Неготино”, оваа година по четврти пат ќе се одржи Отвореното градско првенство во шах – Неготино 2015. Првенството ќе започне на 22 мај (петок) во 17.00 часот, и ќе се одржува во ТИЦ Желкова куќа (на вториот кат). Истото ќе го отвори покровителот на овој настан – Градоначалникот на општина Неготино г-нот Ванчо Апостолов. Право на учество на првеството имаат сите заинтересирани граѓани на општина Неготино. Наградниот фонд за најдобрите учесници на турнирот изнесува 17.000 денари. Пријавувањето за учество се врши кај претседателот на ГШК Неготино ВМ Трајче Недев, на тел. број 075/416-496, надоцна до 22 мај (петок) до 13.00 часот.