Ваутер Пломп-амбасадор на Кралството Холандија во Република Македонија оствари работна посета на општина Неготино која самиот ја опиша како една од најубавите општини во земјава. За време престојот, амбасадорот Пломп најпрво оствари работна средба со градоначалникот на општина Неготино Ванчо Апостолов на која се говореше за актуелни прашања и можностите за остварување подобра соработка на релација општина Неготино-Кралство Холандија. Веднаш потоа, амбасадорот Пломп и неговиот домаќин градоначалникот Апостолов присуствуваа во Музејот на град Неготино и за отворена ја прогласија изложбата „Ана Франк-историја за денес“ која за сите заинтересирани граѓани ќе биде отворена до 25-ти овој месец.

   Од мое лично име како градоначалник и од име на општина Неготино на сите припадници на ромската заедница им го честитам денешниот празник 8-ми април-Светскиот ден на Ромите со искрени желби за успех на личен и професионален план и многу здравје и среќа во иднина. Со целосна почит кон припадниците на оваа заедница, им го честитам овој ден кој за нив претставува еден од најважните датуми во историјата на овој народ, а кој се прославува во чест на првиор Светски конгрес на Ромите одржан од 8 до 12 април 1971 година во Лондон на кој учествуваа претставници на Ромите од 14 земји во светот. Денот кога е отворен првиот конгрес 8-ми април решено е да се прогласи за Светски ден на Ромите кој секоја година се одбележува и во општина Неготино.

   Локалната самоуправа Неготино во рамките на одбележување на Светскиот ден на ромите – 8ми април, а во соработка со претставници на ромската заедница од општината ќе организира неколку настани со кој ќе биде одбележан овој ден. Во рамките на програмските активности ќе биде организиран турнир во мал фудбал на кој учество ќе земат екипи од неколку општини, а исто така ќе биде организиран и концерт на ромска музика со настап на музичка група. Настаните ќе бидат комплетно финансирани и поддржани од Општина Неготино, а во организацијата на истите ќе бидат вклучени и претставници на ромската заедница во општина Неготино.

   Женската екипа на „Виденбрук“ од Германија и машката екипа на „Вардар“ од Неготино се победници во своите категории во рамките на дводневниот  меѓународен турнир во ракомет кој во изминатите два дена се одржуваше во Неготино. Инаку, и во машка и во женска конкуренција настапија по 4 екипи и тоа во женска првата и втората екипа на Струма од Струмица, Вардар од Неготино и Виденбрук од Германија, додека во машка конкуренција играа тимовите на Астраион од Струмица, Виденбрук од Германија, Беса фамилија од Косово и Вардар од Неготино. По завршувањето на турнирот беа прогласени и најдобрите поединци во двете категории, а наградите им ги врачи градоначалникот на општина Неготино Ванчо Апостолов.