Работници на Градежното претпријатие „Градба промет“ денеска ги иведоа завршните градежни работи за асфалтирање на 3 улици во Тимјаник, со што дојде до заокружување и компелтно реализирање на проектот за асфалтирање на предвидените улици.  Имено, во текот на денешниот ден беше асфалтирана и последната, трета по ред, улица во Тимјаник, а во предходниот период се изврши асфалтирање на 2 од кои едната која важи за најфреквентна и која води до селските гробишта и блиските земјоделски површини, како и уште една улица во селото. За спроведување на овие активности општина Неготино обезбеди средства во висина од 10.000.000 денари. Деновиве, градежните работи ќе се преселат и ќе бидат активни и на дел од патниот правец Горни Дисан-Вешје каде што се очекува да започнат асфалтерските работи на една делница од овој патен правец, а наскоро ќе се асфалтира и патот од Калањево до излетничкото место Бела вода.

   Во организација на општина Неготино, а во соработка со Градскиот шаховски клуб “Неготино”, оваа година по петти пат ќе се одржи Отвореното градско првенство во шах – Неготино 2016. Првенството ќе започне на 20 мај (петок) во 17.00 часот и ќе се одржува во Туристички-информативниот центар Желкова куќа (на вториот кат). Истото ќе го отвори покровителот на овој настан – Градоначалникот на општина Неготино г-нот Ванчо Апостолов. Право на учество на првеството имаат сите заинтересирани граѓани на општина Неготино. Наградниот фонд за најдобрите учесници на турнирот изнесува 17.000 денари. Пријавувањето за учество се врши кај претседателот на Градскиот шаховски клуб “Неготино” ВМ Трајче Недев, на тел. број 075/416-496, надоцна до 20 мај (петок) до 13.00 часот.

Се повикуваат граѓаните на општина Неготино на кои ниските температури кои ја зафатија општина Неготино во периодот од 27.03.2016 до 29.03.2016 за овошни насади и 20.04.2016 за лозови и други насади им има нанесено материјална штета истата да ја пријават во просториите на општина Неготино. Пријавувањето на штетите може да се изврши секој работен ден од 08.00 до 16.00 часот во период од 06.05.2016 година (петок) до 12.05.2016 година (четврток) во архивата на општина Неготино. Лице за контакт од општина Неготино за пријавување на штетите е Митко Толовски контакт телефон 076/212-094. Барањето за настанати штети може да го доставите и по електронски пат преку пополнување на Пријава за излез на лице место која може да се превземе на општинскиот веб сајт negotino.gov.mk и да ја доставите на емаил адреса на општина Неготино Оваа е-пошта е заштитена од spambots, треба да вклучите JavaScript за да ја видите . Покрај барањето, пријавите треба да бидат дополнети со фотокопија од лична карта, фотокопија од трансакциска сметка и доказ за сопственост на имотот (имотен лист). 

Барање за пријавување на материјални штети на земјоделски насади

   По завршувањето на неопходните земјени работи, создадени се услови  од наредната недела да започнат градежните работи за изградба на новиот резервоар за вода со зафатнина од 500 м3 кој ќе биде лоциран веднаш до постоечкиот во Тимјаник, а на кој досега се извршени неопходните земјени работи. Станува збор, вели Апостолов, за уште еден проект со кој се очекува да дојде до подобрување на водоснабдувањето во градот и тоа за населението кое живее во високите зони и во дел од населените места, а паралелно течат работите и за изградбата на новиот резервоар во селото Пепелиште со зафатнина од 200 м3 вода со чие ставање во функција долгорочно ќе биде решен проблемот со водоснабдувањето на пепелиштани. Според градоначалникот Апостолов, по завршувањето на изградбата на новиот резервоар во Тимјаник, истиот ќе биде поврзан со водоводната мрежа во Неготино со обезбедување на дополнителни количини вода за населението од градот.

   Денеска во просториите на ООУ„Страшо Пинџур“ во нашиот град во организација на Општинскиот совет за безбедност на сообраќајот на патиштата, Министерството за образование и наука и под покровителство на општина Неготино се одржува четвртиот по ред општински натпревар „Детски семафор-2016“. Дејан Нацев-претседател на Општинскиот совет за безбедност на сообраќајот на патиштата информираше дека на натпреварот учествуваат ученици од три основни училишта и тоа „Гоце Делчев“ и „Страшо Пинџур“ од Неготино и „Димката Ангелов Габерот“ од Д.Капија, како и 3 екипи од СОУ„Св.Кирил и Методиј“. Најуспешните од ова натпреварување ќе се стекнат со право на учество на регионален натпревар, а соколку и таму постигнат добри резултати, ќе се натпреваруваат и на државниот натпревар. Настанот за отворен го прогласи градоначалникот на општина Неготино Ванчо Апостолов кој на сите учесници им посака успех во натпреварувањето со желби да победат најдобрите и најподготвените, додавајќи дека тој како градоначалник и локалната самоуправа водат континуирана грижа за да имаме безбедни и проодни улици како во градот, така и во населените места, што пак придонесува за зголемена безбедност на сите учесници во сообраќајот.