Во организација на општина Неготино, а  во соработка со Градскиот шаховски клуб “Неготино” од 20 до 23 мај во просториите на Туристичко-информативниот центар “Желкова куќа” се одржа петтото по ред отворено првенство на Неготино во шах. На првенството зедоа учество 22 учесници кои одиграа вкупно 7 кола по швајцарски систем. Победник на овогодинешното отворено првенство на Неготино во шах е младиот шахист Тони Лазов кој од седум одиграни партии освои 6,5 поени и ја освои првата награда во вредност од 5.000 денари. Второпласиран на турнирот е Илија Ѓорѓиев, а третопласиран е Санде Атанасов. Исто така награди добија и најдобро пласираниот млад учесник (до 18 години) и најдобро пласираниот ветеран (над 60 години) кои зедоа учество на турнирот. Вкупниот награден фонд кој го обезбеди општина Неготино изнесуваше 17.000 денари, а дипломите и наградите на најдобрите им ги додели покровителот на првенството градоначалникот на Општина Неготино, г-нот Ванчо Апостолов.

Турнирот на кој оваа година учество ќе земат 21 познавачи на оваа „древна игра“ за отворен го прогласи покровителот-градоначалникот на општина Неготино Ванчо Апостолов кој на сите учесници им посака успешен настап и да победи најдобриот, додавајќи дека полека, но сигурно, со успесите што ги постигнуваат младите неготински шахисти, Неготино станува и шаховски град. И годинава турнирот се одржува во просториите на ТИЦ Желкова куќа во Неготино и ќе трае до понеделник, а велемајсторот Трајко Недев ги одреди натпреварувачките парови кои започнаа со мечевите на шаховската табла. Според Недев, во рамките на турнирот ќе се одиграат 7 кола по Швајцарски систем и тоа секој ден по две кола со времетраење на мечот од 25 минути плус 10 секунди за секој потег. Организаторите на турнирот обезбедија награден фонд од 17.000 денари кои ќе им бидат поделени на најдобрите учесници на градското првенство во шах.

   „Со самиот чин на матурирање вие стануваат возрасни луѓе свесни за својата одговорност и од денеска тргнувате по нови животни патеки со што завршува една значајна фаза од вашиот живот на која секогаш ќе се сеќавате. Вечерва заедно со вашите професори че го прославите завршувањето на една значајна фаза од вашиот живот на која секогаш ќе се сеќавате, а средношколските денови и матурата ќе ги паметите секогаш“- истакна во своето пригодно обраќање градоначалникот на општина неготино Ванчо Апостолов кој на сите неготински матуранти им го честиташе матурирањето. Честитки до матурантите упати и директорката на училиштето Оливера Николова-Ташева, по што матураните го одиграа неколку танцови  „квадрил“ поздравени од присутните кои ја следеа манифестацијата која и оваа година ја организираа општина Неготино и СОУ„Св. Кирил и Методиј“ од нашиот град.

   Од денеска започнаа градежните работи за асфалтирање на патниот правец Горни Дисан-Вешје и со тоа се исполнува уште едно од ветувањата на градоначалникот на општина Неготино Ванчо Апостолов за комплетно уредување на овој патен правец кој е од огромно значење за населението од регионот на Дисанијата, како и за останатите граѓани од цела општина кои овде имаат сопствени земјоделски површини. Патот кој до скоро беше речисии непрооден сега е проширен во целата негова должина, а во првата фаза од работите ќе се асфалтираат 800 метри должни од патот Г.Дисан-Вешје со ширина од 5,5 метри за што се обезбедени средства во висина од 20.000.000 денари. Доколку временските услови бидат поволни, се очекува оваа делница со два слоја асфалт комплетно да биде асфалтирана до крајот на наредната недела, по што се продолжува со асфалтирање и на останатите делници од овој патен правец.

   Драги матуранти ! „Ми претставува огромна чест и задоволство на сите матуранти од општина Неготино да им го честитам матурирањето и влегувањето во светот на возрасните. Вие, почитувани матуранти, кои сте млади луѓе полни со позитивна енергија располагате со се што е потребно да зачекорите кон нови почетоци и предизвици кои ве очекуваат во наредниот период. Убеден сум и се надеваме дека најголемиот дел од Вас ќе го продолжат сопственото образование на една од високообразовните установи во Република Македонија и на тој начин ќе ја подобрите надградбата на Вашите знаења кои несомнено ќе Ви бидат од голема корист при реализирањето на Вашите идни работни и животни кариери. Вечерва, заедно со раководниот тим на Вашето училиште и Вашите професори ќе го прославите завршувањето на една значајна развојна фаза од Вашиот живот на која секогаш ќе се сеќавате, и како и ние возрасните, така и Вие средношколските денови и матурирањето ќе ги паметите целиот живот. На сите матуранти од неготинското средно училиште „Св. Кирил и Методиј“ Ви го честитам матурирањето, Ви посакувам многу здравје и среќа во живото, како и успех на личен и професионален план“- се вели во честитката од градоначалникот на општина Неготино Ванчо Апостолов до неготинските матуранти.