Во врска со ПОКАНАТА ЗА ПОНУДА објавена на нашата веб страна од 16.08.2016 година во врска со проектот,,Поддршка и развој на економија на пчелни производи во прекуграничнатa област-BEE-CONOMY,, за НАБАВКА на заштитна облека за 25 нови пчелари со отпечатено лого на проектот  за работа со пчели за  едукативни потреби  и обезбедување на заштитна облека за едукативни  цели,со детална спецификација во тендерскaта документација,за која беше утврден рок на достaвување на понуди до 23.08.2016 вторник  до 12.00 часот,ВЕ ИЗВЕСТУВАМЕ   дека општина Неготино го продолжува рокот за доставување на понуди до 31.08.2016( среда) до 12.00 часот. Отварањето на понудите ќе биде јавно во 14.00 часот истиот ден.

   Покрај земјените тениски терени лоцирани во комплексот на Спортско рекреативниот центар „Младост“, нашиот град ќе добие и тениски терени со тврда подлога. Имено, деновиве градоначалникот на општина Неготино Ванчо Апостолов и директорот на Агенцијата за млади и спорт Марјан Спасески потпишаа договор за изградбата на двоен тениски терен во Неготино. Со овој договор Агенцијата за млади и спорт врз основа на склучениот договор со изведувачот на градежните работи се задолжува да инвестира во изградбата на еден двоен тениски терен во општина Неготино на улица „Ленинова“ во населбата Саат-кула, а со истиот договор е утврден и начинот и условите за изградбата на двојниот тениски терен и неговото стопанисување, користење и тековно инвестициско одржување.  Двојниот тениски терен ќе се гради веднаш над мултифункционалното игралиште во населбата Саат-кула и во непосредна близина на реконструираниот забавен парк, со што граѓаните на Неготино од повеќе генерации ќе добијат уште еден спортско-забавен комплекс каде што ќе можат во релаксирана атмосфера да минуваат дел од слободното време.

Општина Неготино објавува НОВ ПОВИК ЗА ЦИКЛУС ОБУКИ –ПОСТОЈНИ ПЧЕЛАРИ за сите кои се заинтерсирани да учествуваат во обуки за пчелaрство ( училиште за пчелари) што ќе се имплементира во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија

Обуките ќе се спроведуваат во соработка со О3 ИНВЕСТ ДООЕЛ Скопје и ќе опфатат:
ЦИКЛУСОТ ОБУКИ –ПОСТОЈНИ ПЧЕЛАРИ е наменет за 25 учесници од постојните пчелари во општина Неготино .Обуките за постојните пчелари ќе опфатат постапки за максимизирање на  производството на мед, производство на други методи и користење на другите пчелни продукти за зголемување на вредноста на медот.  Обуките ќе се реализираат во времетраење од 70 часови, во месеците август -септември 2016 година и ќе се спроведуваат преку теоретска и практична настава спроведена од проф. д-р. Хрисула Кипријановска.

ЗА ЦИКЛУСОТ ОБУКИ –ПОСТОЈНИ ПЧЕЛАРИ при оценувањето првенствено ќе бидат земени во предвид сите оние кои се пријавиле во повикот кој траеше од 11.07.-03.08.2016.Сите ПОСТОЈНИ РЕГИСТРИРАНИ ПЧЕЛАРИ кои дополнително се заинтересирани се добредојдени во текот на пријавувањето со новиот повик од 12.08.2016 - 22.08.2016 .Доколку не се пополни потребниот број ( 25) со ПОСТОЈНИ-РЕГИСТРИРАНИ  пчелари ќе бидат земени во предвид  и други пријавени заинтересирани кандидати кои имаат базични познавања од пчеларство и кои се занимаваат со пчеларство но сеуште не се регистрирале, при што времето на нивното аплицирање ќе биде земено исто така во предвид.

НАЧИН НА АПЛИЦИРАЊЕ
Пополнување :Анекс 1а-Апликација за обука на постојни пчелари.
1.Во прилог на апликацијата за обуките за постојни пчелари се доставува доказ од ПЕ на МЗШВ Неготино ( Решение за запишување на земјоделско стопанство во ЕРЗС )дека апликантот е регистриран пчелар во Неготино или ДРД образец доколку апликантот доаѓа од правно лице кое е производител на пчелни производи
 2.Ако апликантот не е регистриран пчелар но се бави со пчеларство како  дополнителна дејност треба да достави доказ од имотен лист или договор за закуп и фотографија од местото на локацијата на пчелните семејства со кои располага во моментот на пријавувањето.

Апликација за обука на постојни пчелари 

   Со одржувањето на првиот информативен состанок, во Неготино започна обуката за 25 млади пчелари која е дел од проект „ Поддршка и развој на економијата на пчелни производи во прекугранична област“ кој преку ИПА програмата заеднички го спроведуваат општините Неготино и Алмопија. Самата програма има за цел да го развие пчеларството и пчелните производи во поширокото локално подрачје во двете општини, бидејќи пчеларството е сектор кој дава бројни можности за бизнис.  На почетокот беше извршена презентација на проектот за присутните, а свое обраќање имаа и стручните лица кои ќе ја реализираат обуката од ОЗ ИНВЕСТ ДООЕЛ Скопје кои на идните пчелари им ги појаснија текот и содржината на обуките, предлог-распоредот за одржување на истите, местото на одржување, а сето тоа содржано во 70 часови обука. Инаку, општина Неготино информира дека рокот за пријавување на 25 напредни пчелари кои веќе се занимаваат со пчелно производство е продолжен до 22-ри овој месец до кога сите заинтересирани ќе можат да се пријават во Одделението за локален економски развој. Градоначалникот на општина Неготино Ванчо Апостолов на сите учесници им посака успешно завршување на обуката и искористување на можноста за започнување на сопствен бизнис преку одгледување на пчели и пчелно производство и обезбедување лична или семејна егзистенција, што впрочем е и основната цел на овој проект.