Во организација на Територијалната противпожарна единица од Неготино и Општинскиот противпожарен сојуз со одржување на показна вежба во просториите на Основното музичко училиште „Владимир Аесовски“ беше одбележан 20-ти мај –Денот на пожарникарите. Командирот на ТППЕ-Неготино Иле Илиев информираше дека во показната вежба се вклучија неготинските пожарникари со луѓе и опрема, а со асистенција на 3 доброволни противпожарни друштва од Долни Дисан, Демир Капија и Неготино. При реализирањето на вежбата, се дјствуваше во услови на настанат пожар во училиштето со евакуација на учениците и вработените. Директорката Менка Богоевска активноста ја оцени за успешна и рече дека стекнатите искуства ќе им бидат од корист и на учениците и на вработените.

   Традиционално како и секоја, така и оваа година на градскиот плоштад во Неготино се одржа настанот „Матурски бал-2017“ на кој стотина матуранти од неготинското средно училиште „Св. Кирил и Методиј“ го одиграа матурскиот квадрил. Настанот беше проследен од голем број граѓани од општина Неготино, а честитки до матуранти со желби за успех во понатамошниот живот упати директорката на училиштето Оливера Николова-Ташева.

  Стотина ученици од средното општинско училиште „Св. Кирил и Методиј“ од Неготино на 18-ти мај (четврток) заедно со своите врсници од повеќе градови во Република Македонија на градскиот плоштад во нашиот град ќе го одиграат традиционалниот матурски баал – квадрил. На свеченоста свое обраќање ќе има директорката на училиштето Оливера Николова-Ташева.

   Се известуваат граѓаните дека е пуштен во функција паралелниот систем за наводнување на дворните површини. Ги замолуваме граѓаните да извршат проверка на своите приклучоци и да ги доведат во исправна состојба.Во случај на евентуални дефекти да се пријави во Ј.П.„Комуналец“ или на тел: 361 – 711.
                   

                                                                       Ј.П.„Комуналец“- Неготино
                                                                      Р.Е.„Водовод и канализација“

   Од 4 до 7 мај во нашиот град се одржа шестото отворено првенство во шах. На првенството учество зедоа 24 учесници кои одиграа вкупно 7 кола по швајцарски систем. Победник на овогодинешното отворено првенство на Неготино во шах е младиот шахист Тони Лазов кој во седумте одиграни партии освои максимални 7 поени и ја освои првата награда во вредност од 5.000 денари. Второто место на турнирот и втората награда му припадна на Павле Давчев, а третопласиран е Илија Ѓорѓиев. Награди во висина од 1.000 денари добија и најдобро пласираниот млад учесник (под 18 години) и најдобро пласираниот ветеран (над 60 години) кои учествуваа на турнирот. Наградите ги обезбеди општина Неготино, а првенството беше организирано во соработка со Градскиот шаховски клуб “Неготино”.