Со реализирање на повеќе проекти, подобрувањето на условите за одвивање на воспитно-образовниот процес се чувствува во двете основни и средното училиште, детската градинка и во други установи. Во ООУ„Гоце Делчев“ е ставена во функција новата летна училница, реконструирана е наставничката канцеларија и заменети се старите и поставени се нови прозорци во спортската сала. Во училиштето „Страшо Пинџур “  се работеше на подбрување на енергетската ефикасност, во двата клона на детската градинка „Фемо Кулаков“ се подобрија условите за престој на дечињата и за работа на персоналот,локалната библиотека набави најсовремен 3Д печатач кој им е ставен на располагање на сите заинтересирани, а не изостанаа активности и во средното општинско училиште. Преку ИПА проектот „Енергетска ефикасност во прекугранична област како индикативен фактор на политиката за животна средина во СОУ„Св.Кирил и Методиј“ предвидена е замена на надворешните врати и прозорци и поставување на сончеви панели за обезбедување топла вода за потребите на корисниците на спортската сала и одвивање на кабинтеската настава во училиштето. Планирани се активности и инфо денови за важноста на енергетската ефикасност, како и разни креативни активности со учениците. Вредноста за партнерот СОУ„Св.Кирил и Методиј“ изнесува 86.740 евра.

   Денеска (15.11.2018г.) со почеток од 14,00 часот ќе се одржи редовна седница на Советот на општина Неготино на која на дневен ред за расправа се наоѓаат 8 точки. Се очекува советниците да се произнесат по предлог-одлуката на УПВМН за лесна индустрија на катастарски парцели во Криволак, Црвени Брегови и Неготино, предлог-одлуката за определување на ширина на крајбрежниот појас на Тимјаничка река и Рајков дол во Тимјаник опфатени со урбанистички план, како и носење на одлука за давање согласност од општинскиот Совет за намената на инвестицијата. На дневен ред пред советниците ќе се најде и предлог-заклучокот за усвојување на кварталниот извештај за извршување на Буџетот на општина Неготино за периодот 01.07.- 30.09.2018 година, предлог-заклучок за усвојување на план за програми за развој ИПА, како и други прашања од делокругот на работа на Советот на општина Неготино.

  Градоначалникот на општина Неготино Тони Делков денеска одржа прес конференција „Една година отворена општина“ на која ги презентираше реализираните проекти и активности во изминатиот едногодишен период. Во продолжение во целост го пренесуваме интегралниот текст од обраќање на градоначалникот Тони Делков.

Почитувани граѓани на општина Неготино, почитувани медиуми!
Пред една година , кога и стапив на функцијта градоначалник на општина Неготино ја имав пред себе мојата  визија, нашата визија-со вистинските лица до модерна,  економски и инфраструктурно развиена општина, енергетски ефикасна со одржливо земјоделско производство и развиен вински туризам“ .
Во остварување на визијата за  Неготино јас, со мојот тим и со граѓаните на општина Неготино веруваме дека тоа што го правиме денес, го оставаме во  наследство за нашите поколенија. Заеднички ги здруживме силите за подобар и поквалитетен живот во Неготино! Бевме и остануваме посветени во нашата мисија-Општина Неготино спроведува развојни проекти кои се од интерес на граѓаните за подобрување на  патната инфраструктура и водоснабдувањето, системот за управување со комунален отпад, обезбедување на поголема енергетска ефикасност во јавните установи, квалитетно образование, култура и спорт, претприемништво и кластерско поврзување во аграрното производство и винскиот туризам, поддршка на бизнис секторот и општествена одговорност со цел одржлив развој на општината.
Пред да ги претставам проектите кои ги реализиравме во текот на годината која измина  и кои се во тек морам да  кажам дека со домаќинско работење, со кратење на голем дел од трошоците, со помош од Владата на Република Македонија, но и со навремена наплата на сопствените приходи на општината, успеавме и ја менаџираме лошата финансиска состојба до денес.

 Презентација Една година отворена општина-прес конференција на градоначалникот Тони Делков