Почитувани сограѓани, верници од Православна вероисповед !

По повод одбележувањето на големиот Христијански празник, Раѓањето Христово-Божик, од мое лично име и од име на општина Неготино Ви упатувам искрени и срдечни честитки со желби за добро здравје, духовен мир, меѓусебно почитување и разбирање. Во духот на Христијанството, а почитувајќи ги и негувајќи ги заедништвото и хуманоста како едни од најголемите човекови вредности, овој празник нека биде причина повеќе да споделите убави и пријатни моменти со семејството, најблиските и пријателите. Вашите домови во деновите од Божикните празници нека бидат исполнети со надеж, добрина и верба и истите нека ве водат во деновите што доаѓаат.

Христос се роди-Вистина се роди ! Среќен Божик !

   Веднаш по започнувањето на обилните врнежи од снег, надлежните општински служби излегоа на терен и се ангажираа на расчистувањето на снегот. Најпрво на терен излегоа работници на Комуналец кои беа ангажирани за отстранување на снегот од главните улици, тротоарите и правење патеки за движење на пешаците во централното градско подрачје. Ним им се приклучија со соодветна механизација и работна рака вработени во фирмата Коп инжинеринг ангажирана од општина Неготино за зимско одржување на улиците и локалните патишта. По завршувањето на работите на примарната улична мрежа, ќе се пристапи кон чистење и на споредните улици, а се чисти снегот и од патиштата кои водат до населените места. Од локалната самоуправа до возачите и пешаците апелираат на внимателно движење, а сопствениците на деловни објекти и домаќинствата ги потсетуваат на обврската за чистење на просторот пред дуќаните и семејните домови. Ангажираната механизација и понатаму останува присутна на терен и работи на расчистување на снегот од најфреквентните улици и патишта во општина Неготино.

Имате идеја, предлог, сугестија за успешна организација на стопанско туристичката манифестацијата  Недела на виното,,Св.Трифун- 2019,,  
Споделете ја со нас!
Предлозите на граѓаните и другите чинители се секогаш добредојдени !
За  поуспешна стопанско туристичката манифестацијата  Недела на виното,,Св.Трифун-2019,, Вашите предлози и идеи ќе бидат добредојдени и дополнително разгледани  и на тој начин  концептот за Св. Трифун 2019 ќе биде наша заедничка цел!
ЗАЕДНИЧКИ ДА ОРГАНИЗИРАМЕ УСПЕШНА МАНИФЕСТАЦИЈА – СО ГРАЃАНИТЕ И ЗА ГРАЃАНИТЕ!
Ве повикуваме сите граѓани,институции, установи, бизнис секторот и невладините организации  од општина Неготино да дадете свои идеи, предлози, сугестии со пополнување на дадениот  прашалник најдоцна до 09.01.2019 год.(среда).


Вашите идеи, предлози, сугестии испратете ги на:
meil: This e-mail address is being protected from spambots. You need JavaScript enabled to view it
тел:043-361-045 лок.123
Општина Неготино

П Р А Ш А Л Н И К

А Н К Е Т А