На локацијата на ул. Едвард Кардељ број 52 во нашиот град во присуство на министерот за транспорт и врски Горан Сугарески, директорот на АД за изградба и стопанисување со станбен и деловен простор Кристијан Трајковски, претставници на локалната самоуправа, пратеници и други присутни започна изградбата на првата социјална зграда во Неготино. Нашиот град, по Пробиштип, е втор во државава каде што се гради една од планираните социјални згради, а вкупната вредност на проектот е 15.000.000 евра - средства обезбедени од банката за развој на Советот на Европа во согласност со Законот за задолжување на Република Северна Македонија.  Социјалната зграда во Неготино ќе има вкупно 62 станови со површина од 35 до 45 метри квадратни, а планирана е изградба и на паркинг простор. Со изградбата на оваа зграда со рок на изведба на работите од 18 месеци во блиска иднина станбеното прашање ќе го решат дел од примателите на социјална помош, лица со инвалидитет, лица со посебни потреби и самохрани родители.

   ЛОКАЛНА САМОУПРАВА НЕГОТИНО СОГЛАСНО СО ГОДИШНАТА ПРОГРАМА ЗА СПРОВЕДУВАЊЕ НА ОПШТИ МЕРКИ ЗА ЗАШТИТА НА НАСЕЛЕНИЕТО ОД ЗАРАЗНИ БОЛЕСТИ И ОПЕРАТИВНИОТ ПЛАН ЗА ДДД ЗА ОПШТИНА НЕГОТИНО ЗА 2019ГОДИНА, ГИ ИНФОРМИРА ГРАЃАНИТЕ НА ОПШТИНА НЕГОТИНО ДЕКА ВО ТЕКОТ НА  УТРЕШНИОТ ДЕН 10 ЈУЛИ ПОЧНУВАЈЌИ ОД ВЕЧЕРВА НА ПОЛНОЌ ЌЕ СЕ ИЗВРШИ ПРЕВЕНТИВНА ДЕЗИНСЕКЦИЈА НА КРИТИЧНИ ТОЧКИ НА ЈАВНИ ПОВРШИНИ СО МАШИНСКО РАСПРСКУВАЊЕ СО ПРЕПАРАТОТ АКВА-КОТРИН ОД СТРАНА НА СТРУЧНИ ЛИЦА ОД ЗОТОКС ДООЕЛ Скопје  ПОД НАДЗОР НА ЦЕНТАРОТ ЗА ЈАВНО ЗДРАВЈЕ ОД ВЕЛЕС. СО ПРСКАЊЕТО ЌЕ БИДАТ ОПФАТЕНИ 4 ЛОКАЦИИ И ТОА - КЕЈОТ НА ТИМЈАНИЧКА РЕКА, БРЕСТИН ДОЛ, МАРЕНСКИ ПОРОЈ И ПОТЕГОТ ОД КРИВОЛАК ДО ЖЕЛЕЗНИЧКА СТАНИЦА И СИТЕ НАСЕЛЕНИ МЕСТА. 

СЕ ИНФОРМИРААТ ГРАЃАНИТЕ И ЗДРУЖЕНИЈАТА КОИ ОДГЛЕДУВААТ ПЧЕЛИ И ДРУГИ ВИДОВИ ЖИВОТНИ ДА ГИ ПРЕЗЕМАТ СИТЕ НЕОПХОДНИ МЕРКИ ЗА НИВНА ЗАШТИТА.

   Со стапување на сила на Закон за изменување и дополнување на Законот за детска заштита, и со донесување на Одлука од страна на Владата на Република Северна Македонија со која се утврди вредноста на бодот за пресметување на платите на давателите на јавни услуги и директорите на јавните установи за деца,вработените во ЈУОДГ „ФЕМО КУЛАКОВ“ Неготино добија покачување на своите плати почнувајќи од месец Јуни 2019 година.ЈУОДГ„ФЕМО КУЛАКОВ“ Неготино е помеѓу првите 20 градинки во Република Северна Македонија која ја спроведе целокупната постапка за да  вработените во установата добијат повисока плата .Голем придонес во постапката за остварување на повисока плата во градинката има Совет на Општина Неготино кој ни излезе во пресрет и на одржана седница на Совет на Општина Неготино донесе одлука со која се даде Согласност за висината на бодот за вработените во установата, без која одлука не можевме да ги превземеме следните фази од постапката за да стигнеме до посакуваната цел.Со потпишување и стапување на сила на нов Колектривен Договор  од ден 28.06 2019 година, се зголеми и бодот за пресметување на плата за помошно-техничкиот персонал во нашата установа.Значи со еден збор сите вработени во ЈУОДГ,,Фемо Кулаков,,Неготино ќе земат повисока плата почнувајќи за Месец Јуни 2019 година, заклучно со 31.08 2019 г, а веќе од 01.09 2019 г до 31.12 2019 г ќе има ново покачување на платите а кое нешто е утврдено со гореспооменатата Одлука донесена од страна на Влада на Република Северна Македонија, на која одлука согласност даде Совет на општина Неготино.