Општина Неготино започна со реализација на активност за санирање на проблем со кој долги години се соочуваат дел од жителите на улицата „Киро Крстев“. Имено, станува збор за санација која вклучува реконструкција на  фекалната и атмосферската канализација и водоводната мрежа.

    После долги години провлекување на овој проблем, општина Неготино започна со негово решавање. Станува збор за отпочнувањето на работите за реконструкција на спортската сала „Младост“.Во оваа фаза на реконструкција ќе бидат опфатени подната и кровната конструкција во големата и во малата сала.

   Општина Неготино согласно Програмата за заштита на животната средина започна со реализирање на активност за чистење на дивата депонија во близина на селото Криволак, конкретно кај мостот лоциран пред Армискиот полигон Криволак. Изведувач на работите е фирмата Ас машини чии работници предвидено е сметот и шутот од околу 650 метри кубни од дивата депонија да го кренат и да го дислоцираат на градската депонија Бучето во близина на село Дуброво. Средствата за расчистување на дивата депонија се обезбедени од Буџетот на општина Неготино. Од локалната самоуправа апелираат до месното население од Криволак, но и до сите граѓани на општина Неготино, сметот и шутот да го исфрлаат само на градската депонија. Комуналните редари секојдневно се присутни на терен и секој што ќе биде регистриран да фрла смет и шут на несоодветни места за тоа, ќе биде казнет согласно законските прописи.

   Стручни лица од фирмата Зотокс од Скопје со асистенција на вработени во одделението за комунални дејности и сообраќај при локалната самоуправа, а врз основа на издаденото решение од страна на Државниот и здравствен инспекторат, во текот на денешниот ден извршија дератизација и дезинфекција на јавни површини во Неготино. Оваа активност е реализирана согласно Програмата за спроведување превентивна дезинфекција, дезинсекција и дератизација на територијата на општината. Дезинфекција се изврши во просториите на општина Неготино и во Желковата куќа на вкупна површина од 600 метри квадратни, а дератизација се изврши на вкупно 900 ревизиони шахти со поставување на 2.700 мамци или по 3 на секоја шахта.

  Од Јавното комунално претпријатие „Комуналец“ ги информираат потрошувачите од Неготино дека поради настанат дефект на главниот цевковод Ф 315 кон нашиот град, денеска (среда 16.10) од 10,00 часот па натаму ќе има прекин во водоснабдувањето. Екипи на „Комуналец“ се присутни на терен и работат на санирање на дефектот, по што водоснабдувањето ќе се нормализира.