Во рамките на празнувањето на Денот на градот - 8ми Ноември, Општина Неготино по 11-ти пат ќе го организира турнирот во табла “Неготино опен 2019”. Истиот ќе се одржи од 6 до 8 ноември. Право на учество имаат сите граѓани на општина Неготино, а наградниот фонд за најдобрите учесници на овој турнир изнесува 15.000 денари.
Бројот на учесници на турнирот е ограничен, а пријавувањето за учество се врши на телефонскиот број 076/749-098 кај лицето Костадин Цветков. Турнирот ќе биде отворен на 6 ноември (среда) во 17.00 часот кога ќе бидат одиграни првото и второто коло од истиот. Наградите и дипломите на најдобрите тројца учесници ќе им бидат врачени на 8 ноември (петок) по завршувањето на турнирот.

 

 

 

Врз основа на чл.  2 од Законот за локална самоуправа  ( Сл.весник на РМ бр.5/02 ), член  76 од Статутот на општина Неготино  (,, Сл.гласник на општина Неготино  брr.3/06, 2/11, 9/11, 16/12 и 16/14и член  57 став 1 од Деловникот на општина Неготино (,,Сл.гласник на  Општина Неготино “бр.3/06 и 2/11), Претседателот на Советот на Општина Неготино ја свикува    триесет и прватта        редовна седница на Советот на општина Неготино.
Седницата ќе се одржи во Големата сала на  општина Неготино на ден 30.10.2019 година   (среда) во  14 ,30 часот.
За седницата го предлагам следниот

                                                       Д Н Е В Е Н   Р Е Д

1.    Предлог- Решение за давање согласност на Годишниот план за вработување за 2020 година на ЈП Комуналец Неготино
2.    Предлог- Одлука за издавање гаранција за задолжување на ЈП Комуналец за кредитно долгорочно задолжување пред деловна банка за финансирање на проект ,, Заштита на водните ресурси со намалување  на човековото влијание врз животната средина- набавка на возило систем CHANNEL – JET  за отпушување на канализациони системи и јамиза ,,
3.    Предлог- Заклучок за усвојување на Годишниот извештај за работа на ЈОУДГ ,, Фемо Кулаков,, Неготино за учебната 2018-2019 година
4.    Предлог- Заклучок за усвојување на Годишната програма за работа на ЈОУДГ ,, Фемо Кулаков,, Неготино за учебната 2019-2020 година
5.    Предлог- Одлука за формирање на Локален совет за превенција на општина Неготино  
6.    Предлог-  Одлука  за давање согласност на Договор за соработка за организација на настани по повод 8 ми Ноември , помеѓу општина Неготино и Здружението за унапредување на спортски и културни манифестации СПО- КУЛ Неготино
7.    Предлог-  Одлука за утврдување на потребата од донесување на урбанистичка планска документација за вклопување на бесправно изградени објекти во урбанистичко планска документација
8.    Предлог- Програма за изменување и дополнување на Програмата за изработка на урбанистички планови на просторот на општина Неготино за 2019 година
9.    Предлог- Програма за изменување и дополнување на Програмата за комунални дејности и уредување на градежно земјиште на просторот на општина Неготино за 2019 година
10.    Предлог- Програма за изменување и дополнување на Програмата за активности на општина Неготино во областа на образованието за 2019 година
11.    Предлог- Програма за изменување и дополнување на Програмата за активности на општина Неготино во областа на социјалната заштита за 2019 година
12.    Предлог- Програма за изменување и дополнување на Програмата за локален економски развој на општина Неготино за 2019 година
13.    Предлог- Одлука за изменување и дополнување на Буџетот на општина Неготино за 2019 година ( ребаланс)

Почитувани,
Во рамките на проектот „ENPOL – EE”, од програмата за прекугранична соработка „Interreg – IPA CBC CCI 2014 TC 16 15CB 009”, во периодот од 2014 – 2020 година, Општина Неготинo го организира Вториот Инфо Ден кој ја обработува темата „Важноста на енергетската ефикасност во заштита на животната средина”.
Проектната задача одговара на едно основно прашање, а тоа е: Како можат локалните власти да придонесат за примена на енергетската политика во нивните територии, во една заедничка рамка на акции и истовремено да придонесат за подигање на свеста на локалното население во врска со мерки на енергетска ефикасност?
Инфо денот е само дел од многубројните активности кои ќе се одржат како дел од овој проект. Со таа цел Ве покануваме да присуствувате на Вториот Инфо Ден на тема „Важноста енергетската ефикасност во заштита на животната средина”, кој ќе се одржи на 30.10.2019 (Среда) во Општина Неготино, со почеток од 09:45 часот.
Проектот „Енергетска ефикасност во прекуграничниот регион како индикативен фактор за политика на животната средина” со акроним„ENPOL – EE”, се реализира во партнерска соработка на Oпштина Неготино,Средно општинското училиште „Св.Кирил и Методиј” - Неготино, Општина Пела и Општинското јавно претпријатие за култура и развој на Пела од Грција .
Во прилог на поканата можете да ја погледнете и агендата.