Општина Неготино и фирмата Дикор дц дооел од Струмица денеска потпишаа договор за комплетна реконструкција на локалниот патен  правец од Криволак до Пепелиште во должина од 6 километри. Потпишаниот договор е со вредност од 24.762.300 денари. Рокот за изведба на работите на овој патен правец е 150 денови, а во најкраток рок фирмата изведувач ќе биде воведена во работа. Со реализацијата на овој проект ќе се придонесе за зголемена безбедност на сите учесници во сообраќајот кои се движат по локалниот пат Криволак-Пепелиште.

  Се информираат граѓаните на општина Неготино дека на територијата на нашата општина во тек е активност за спроведување изработка на регистар за куќни броеви. Инаку, покрај во неготинска, оваа активност се реализира и во неколку други општини во нашата држава. Регистарот за куќни броеви го спроведува независна компанија од катастарот на Република Северна Македонија.

   Веднаш по потпишувањето на договорот со градоначалникот на општина Неготино Тони Делков, избраниот најповолен понудувач, фирмата Електрика ДООЕЛ-Кочани, започна со изведување на работите на терен преку замена на старите со нови ЛЕД технологија светилки за улично освтелување. Предвидено е на територијата на цела општина, во градот и населените места, да се постават 1.410 нови лед штедливи светилки од кои 836 во Неготино и 574 во населените места, а според утврдената динамика се очекува работите комплетно да бидат завршени до крајот на месец март, оваа година. Поставувањето на новото улично осветлување започна долж улицата „Маршал Тито“ и продолжува и по останатите улици во градот и населените места.