Градончалникот и дел од службите во општина Неготино , претставници од општинските воспитно-образовни установи, ЈЗУ „ Здравствен Дом “ Неготино, Полициската Станица, ОО на Црениот Крст  Неготино, ЦУК ,ТППЕ , ЈП „ Комуналец “ и претставници од Советот на општина Неготино синоќа со почеток во 19.00 часот оддржаа координативен состанок во просториите на општина Неготино .
Согласно добиените информации од одговорните од секоја од установите ,  а следејќи ги  мерките на Владата на Република Северна Македонија се донесоа дополнителни препораки,заклучоци и апел кон локалното население за целосно и доследно почитување на мерките и тоа:
•    Да не се шири паника и страв меѓу локалното население, бидејќи во општина Неготино во моментов нема заразен од корона вирусот и да се придржуваме кон мерките и правилно да ги применуваме
•    Сите институции и приватни фирми од општина Неготино  да користат средства за редовна дезинфекција и хигиена за вработените , за  странките кои доаѓаат од надвор и да одржуваат редовна хигиена и дезинфекција на просториите
•    Со цел за поголема превенција на повозрасните граѓани кои спаѓаат во ризичната група на овој вирус, општина Неготино формира мобилен тим за помош кој ќе пазари наместо постарите и изнемоштени лица. Секој граѓанин од наведените категории кој ќе има потреба од набавка на лекови, прехранбени производи и средства за лична хигиена ќе може да се јави на тел број: 043/ 361 045.
•    Одговорните во воспитно-образовните установи и училиштата да воспостават посилна  координација со родителите на децата и учениците и да апелираат  на изолација во домашни услови
•    Локалното население да се едуцира за правилно користење на маски, ракавици и други заштитни средства преку делење на едукативни флаери и преку социјалните мрежи
•    За пријавување на лица кои доаѓаат од критични подрачја а не се самоизолирале, граѓаните може да ги пријават на телефоните на МВР: 192 или телефоните во ПС ОН Неготино 361 – 003, 361-014 и 361 – 383.
•    ПЕ на Министерството за економија да преземе засилена инспекциска контрола
•    ОО на Црвениот Крст Неготино да изврши координација со Црвениот Крст на Република Северна Македонија и да ги разгледа можностите за  преземање на поинтензивни активности во правец на поголемо информирање и  поголема  превентивна заштита на локалното население
•    Трговците и другите продавачи за време на пазарните денови  задолжително да користат заштитни дезинфекциони средства
•    Такси превозниците и другиот локален превоз на патници да ги редуцира линиите и истовремено да врши редовна дезинфекција во превозните средства
•    Посебно се потенцира за засилена и  редовна дезинфекција и заштита на работниците кои се превезуваат со автобусите на работа во Дрекслмајер Кавадарци, како би се намалил ризикот и можноста за евентуална зараза
•    Секоја институција да направи тампон зона за прием на странки и документи
•    ПС ОН Неготино  да има засилена контрола на влезовите и излезите од градот
•    ПС ОН Неготино  да спречува собирање на големи групи на млади на јавни места, паркови, бензински пумпи и  слично
•    ЈП „ Комуналец “ Неготино  и ТППЕ од Неготино да вршат редовно миење и дезинфекција на фрекфентните улици во општината
•    Локалното население да ја подигне јавната чистота преку сопствено делување и грижа за животната средина
•    Редовно проветрување, чистење и хигиена во просторот во кој се престојаува или работи подолго време
•    НАСЕЛЕНИЕТО ДОСЛЕДНО ДА ГИ ПОЧИТУВА МЕРКИТЕ  НА ВЛАДАТА, А ПОСЕБНО МЕРКАТА ЗА САМОИЗОЛАЦИЈА !!!
•    Согласно мерките на Владата, физичките и правните лица што не ги почитуваат и кои ги прекршуваат препораките ќе бидат казнети согласно член 205 и 206 од Кривичниот законик
            ЈАВНОТО ЗДРАВЈЕ Е ЗАЕДНИЧКА ОДГОВОРНОСТ. ОД НАС ЗАВИСИ !

   Општина Неготино ги известува граѓаните од нашата општина дека во врска со препораките од Владата, во интерес на јавното здравје и преземање мерки и активности за превенција и заштита од ширење на корона вирусот, се советува да се редуцираат посетите во просториите на локалната самоуправа. При евентуална посета на општината, се препорачува да се избегнуваат директни контакти при поздравување со вработените и да се избегнува долго задржување во просториите, како и да се одржува пристојно растојание од најмалку 1 метар при средба/разговор со вработените или останатите присутни. Исто така се препорачува, доколку тоа е можно, граѓаните своите потреби од услуги од општината да ги остварат најпрво преку телефонски контакт на бројот 043-361-045 или по електронски пат, а доколку доаѓањето во зградата на општината е неопходно, документацијата, барањата и слично да се доставуваат во просторијата на Граѓанско информативниот центар лоциран во приземјето на зградата на локалната самоуправа. Општина Неготино Ви благодари за препознавањето на важноста на заштитата на сопственото здравје, како и на здравјето на другите и за придржувањето кон овие упатства.