Со изведба на химната против корупција, театарска претстава и аудио-видео презентација во нашиот град се реализираше проектот „Хепи хипо шоу-ослободи го умот од корупција“. Како што истакна раководителот на проектот д-р Нелко Нелковски истиот има за цел надминување на состојбите со корупцијата во општеството, развој на земјата и општините, организирање мрежа за развој, а во ноември во Неготино ќе се формира и Локален совет за развој на општината со усвојување на конкретни програми за работа во насока на мобилизирање на сите позитивни вредности за развој на вкупното општество, а во кој ќе членуваат соодветни претставници. Во рамките на реализацијата на овој проект, организаторите и учесниците на потегот кај Спомен-костурницата заедно засадија едно дрво јавор - кое ја има симболиката на дрво за развој на општината.

  Припадници на Армијата на Република Северна Македонија заедно со припадници на Американската армија денес на СРЦ „ Младост “ Неготино спроведоа еколошка акција.
Оваа активност е во рамки на вежбата КФОР 27 која се спроведува на АП „ Криволак “ и е подготовка за најголемата воена вежба „ Одлучен удар 21 “ која се планира да биде изведена следната година на АП „ Криволак “.
Покрај вежбовните активности од цивилно воената соработка  ќе бидат спроведени и донации на заштитни средства и маски за граѓаните на општина Неготино за справување со пандемијата од Ковид 19.

Почитувани,
Република Северна Македонија денес го слави денот на независноста 8 Септември, денот кога во 1991 година македонските граѓани на најдемократски начин ја изгласаа својата независност, сувереност и самостојност.
Од мое лично име како градоначалник но и од цела Општина Неготино Ви го честитам денешниот празник и посакувам и во иднина да славиме големи успеси и просперитет за нашата држава.
Честит празник 8 Септември – Денот на независноста !!!

Детската градинка „ Фемо Кулаков “ Неготино е подготвена за безбеден пречек и престој на дечињата од нашата општина. Од 9 септември започнува новата воспитно – образовна година за вкупно по протокол 292 дечиња поделени во 21 група во двата објекти ( Мајски Цвет и Пролет ) и во групи во други просторни услови во Криволак, Тремник и Пепелиште.
Извршена е комплетна дезинфекција на сите пет објекти во градот и селата, а реновирани се купатилата и вратите во клонот Пролет. Согласно протоколите од МТСП, од 0 до 2 години ќе се згрижуваат по 6 дечиња во занимална, а од 2 до 6 години по 15 дечиња во занимална.
Безбедноста е наш приоритет и затоа за да ги заштитиме потребно е максимално да се вложиме сите за безбедноста на децата.
Среќен нов почеток !!!