На ден 17.08.2011 година општина Неготино беше домаќин на претставниците на фондацијата од Република Словачка - Slovak aid koја во соработка со Стопанската комора на Македонија  е носител на проектот ,, Зајакнување на малите и средни претпријатија - патот кон економски раст и пристапување кон ЕУ,,.
Гостите од Република Словачка заедно со претставниците на општинската администрација ја посетија винаријата ДУДИН каде што од страна на сопственикот и енолозите во оваа винарија целосно им беа претставени  капацитетите и технологијата на винското производство, како и  објектот за промотивно-комерцијална дегустација на палетата најквалитетни вина на оваа наша реномирана винарија.

   Делегација од општината Тепеџик-Република Турција предводена од градоначалникот Тунџај Олгун придружуван од тамошни локални бизнисмени престојуваше во посета на нашиот град пројавувајќи интерес за влез на турски инвестиции на подрачјето на општината. Гостите беа примени од градоначалникот Пане Трајков кој во разговорот со нив истакна дека Неготино е општина со извонредна местоположба и расположива инфраструктура кои доколку адекватно бидат презентирани, можат да привлечат домашни и странски инвеститори. Во непосредна близина минува автопатот Е-75 и железницата, може да се искористи постоечката инфраструктура за изградба на карго аеродром, а општината располага и со атрактивно земјиште за изградба на стопански капацитети. Турските бизнисмени пројавија интерес за изградба на капацитети во областа на живинарството, како и во лозаро-винарското производство. На средбата беше договорено проширена турска бизнис-делегација повторно да дојде во Неготино при што ќе биде организиран бизнис-форум на кој детално ќе се прецизираат идните инвестициони активности во општината.

   Под мотото ,, Образование за секого, шанса за сите ,, во изминатите 5 месеци во неготинското село Криволак во кое доминира населението од ромска националност се спроведе проект за дооформување на образованието на кандидати кои пројавија интерес за тоа. Наставата ја спроведе стручен кадар од Работничкиот универзитет, а иницијативата потекна и проектот беше реализиран  со поддршка на Македонскиот црвен крст.
    Потребните финансиски средства за спроведување на проектот ги обезбеди Германскиот Црвен Крст од покраината Баден- Витенберг- хуманитарна организација која близу 30 години ги помага активностите на Македонскиот црвен крст.
По завршувањето на петмесечната настава, градоначалникот на општина Неготино Пане Трајков на 30 кандидати над 16-годишна возраст од ромска националност им  врачи  свидетелства за завршено основно образование.

   Општина Неготино е една од дваесетте локални самоуправи во земјава во која, исто како и минатото, така и ова лето се спроведува културната манифестација ,, Топол културен бран ,,. Деталите за самата манифестација и планираните настани беа презентирани на специјална прес конференција на министерката за култура Елизабета Канчевска – Милевска  на која меѓу присутните беше и градоначалникот на општина Неготино Пане Трајков кој ги поздрави заложбите на Министерството за култура за збогатување на летното живеење со културни настани. Во тие рамки, на градскиот плоштад во Неготино, во присуство на голем број заинтересирани граѓани и вљубеници во етно-музиката, се одржа концерт на Драган Даутовски квартет на кој беа исполнети дел од нумерите од неговиот исклучително богат репертоар. Исто така, во рамките на културното лето, неготинци имаа можност да ја проследат и театарската претстава Генерална проба за самоубиство во изведба на велешкиот народен театар Јордан Хаџи Константинов Џинот.

   Во рамките на проектот,,Мрежа за спорт, култура и туризам,,преку програмата Европа за граѓаните , мерката ,,Мрежа на збратимени градови каде што општина Неготино е партнерска општина заедно со општина Берово, општина Кампулунг-Романија, општина –Повијат Трзебница-Полска, Две Могили-Бугарија и Попово-Бугарија како носител на проектот,во периодот од 5-10 јули 2011 беше организиран  петиот (5)по ред настан  со тема:
Интернационален Еко туризам и култура- Важни фактори за Регионален Европски Развој”.