Во организација на локалната самоуправа и претставници на Мировниот корпус на САД кои во изминатиот период со својот несебичен ангажман имаат дадено придонес во развојот на земјата и заедниците, во Туристичкиот инфо-центар во Неготино се одржа изложба по повод големиот јубулеј – 50 години од постоењето на Мировниот корпус и негово 15 годишно присуство во Македонија. Како што истакна заменик-директорот на МК Мајкл Радман изложбата претставува спој на работите што ги поврзуваат членовите на корпусот и граѓаните на Македонија, а изложените фотографии на своевиден начин ја прикажуваат суштината на работата на Мировниот корпус.

   Можеби во пософистицирана форма, но сепак, традицијата на организирање на одредени видови борби за време одржувањето на Неготинскиот панаѓур, на голема врата се врати во нашиот град.Ако во минатото, борбите на пеливаните кои  беа синоним за атракција и привлекување посетители од сите краеви на Македонија, денеска вниманието на дел од јавноста го привлекуваат млади мускулести момчиња кои во рингот ги покажуваа научените борбени вештини. Доказ дека овие борби стекнуваат се поголем број приврзаници говори повеќе од илјадната публика која буквално до последно место ја исполни спортската сала Младост за време одржувањето на првото шоу во мешани борби во Македонија.

   Во организација на локалната самоуправа и оваа година на градскиот плоштад се одржа традиционалната 8-ма по ред Мултимедијалната Неготинска вечер посветена на убавата македонска песна, другарувањето и забавата. Присутните ги поздрави и вечерта за отворена ја прогласи градоначалникот на општина Неготино Пане Трајков кој на сите граѓани има посака во пријатна атмосфера да ги поминат деновите од Неготинскиот панаѓур и уште еднаш на дело да го покажат надалеку познатото гостопримство. Во забавниот дел од програмата настапија Распеаните пензионери, хорот и соло изведби на ученици од ООУ ,, Гоце Делчев ,, Александар Белов, Александра Пилева, Лидија и Лазе, Дуо Форте, Пламенка Трајковска и Стрингс и Миле Кузмановски.

  Во просториите на Желкова куќа се одржаа неколку работилници како дел од проектот за “Ефективна имплементација на Законот за недискриминација“, кој што го спроведуваат  Британскиот Совет, Министертвото за труд и социјална политика, Граѓанската иницијатива за еднакви можности : Еднаков Пристап и Организација на социјални работници од Битола и Демир Хисар.
Обуките ги спроведуваа Слободанка Кртева, вработена во општина Неготино и Флорида Илиевска,претставник од Невладиниот сектор а учесниците беа од јавните институции, невладиниот сектор и претставници од Советот- Комисија за еднакви можности.

6та активност-8ми Мегународен детски фестивал,,Со фолклорот од минатото-заедно во иднината,,одржан во Две Могили-Бугарија
                                              (25.08.2011-30.08.2011)

Во рамките на Проектот,,Мрежа за култура, спорт и туризам,,од Програмата Европа за граѓаните 2007 -2013 реализирана е 6( шестата) и последна проектна активност во Две Могили Бугарија.
Oвој настан е поврзан со празникот на општина Две Могили и осмиот -8ми Мегународен детски фестивал,,Со фолклорот од минатото-заедно во иднината,,
На оваа проектна активност  општина Неготино  се претсатви со настап на фолклорното друштво КУД,,Ацо Ѓорчев,, од Неготино со 20 претставници.