Врз основа на договорот што локалната самоуправа Неготино го има потпишано со Германската банка за обнова и развој, а кој се однесува на обезбедување кредитни финансиски средства за решавање на долгогодишниот проблем со водоснабдувањето во градот и во дел од населените места, веќе извесен период во Неготино се работи на проект преку чија реализација се очекува да се обезбедат дополнителни количини вода за пиење. А токму со цел за изворно информирање за тоа како течат досегашните активности, градоначалникот на општина Неготино Пане Трајков го прими и разговараше со претставникот на Германската банка за обнова и развој Ад Саннен – тим лидер за давање консултантски услуги за институционално јакнење- Програма за водоснабдување и канализација во Република Македонија. На состанокот беа потенцирани досегашните активности, при што беше најавено дека мошне скоро ќе се стартува со првата фаза од проектот која предвидува замена на старите со автоматизирани водомери во домовите на неготинските домаќинства, додека во втората фаза комплетно ќе се реконструира водоводната мрежа, со што се верува дека ќе се обезбедат дополнителни количини квалитетна вода за пиење.

   По принципот на ротирање на местото на одржување на состаноците, Неготино и градоначалникот Пане Трајков беа домаќини на градоначалниците од Вардарскиот плански регион на средбата на која присуствуваше и директорот Александар Бузалков. На дневен ред пред првите луѓе на општините од Вардарскиот плански регион се најдоа 8 точки за расправа. Меѓу другото, на работниот состанок беше донесена одлука за реализацијата на проектот,, Меѓуопштинска соработка за енергетска ефикасност преку чија реализација се очекува да се заштедат ограничени енергетски ресурси на локално ниво, а се донесе и одлука за спроведување и на проектот ,, Мрежа за инклузивен развој на Вардарскиот пласнки регион ,,. Пред градоначалниците беше презентирана, разгледана и усвоена и територијалната анализа и вредносен синџир на трпезното грозје во Вардарскиот плански регион.

   Стотици граѓани на општина Неготино, ученици од средното и двете општински училишта, вработени во локалната самоуправа и во други јавни установи зедоа активно учество во акцијата Ден на дрвото – засади ја својата иднина што годинава се реализираше на местото викано Прждево. На површина од 10 хектари се засадија околу 40.000 багремови садници обезбедени од подружницата на ЈП Македоноски шуми во Демир Капија. Во акцијата се вклучија и државниот секретар во Министерството за одбрана Петар Есмеров и градоначалникот на општина Неготино кои не го криеја задоволството од масовноста при вклучувањето во оваа акција која  ќе придонесе за подобрување на еколошкиот амбиент, како во општината, така и на територијата на целата држава.

Објава бр.4 Неготино за продажба на градежно земјиште

Исправка согласно Законот за Градежно земјиште

Исправка на Објава бр.4 Неготино за продажба на градежно земјиште