Во рамките на спроведувањето на зацртаните цели за отчетно и транспарентно работење, градоначалникот на општина Неготино Пане Трајков даде 40-минутно интервју за регионалната КТВ телевизија. Притоа, тој одговараше на многуборјните прашања на новинарот осврнувајќи се , пред се, на реализираните проекти и активности на локалната самоуправа во текот на минатата година преку чие спроведување се придонесува за подобрување на севкупните услови на живеење на граѓаните од општина Неготино. Меѓу другото, Трајков се говореше и за решавањето на проблемот со водоснабдувањето, комуналната изградба, распишаниот тендер за асфалтирање на улици во градот и населените места, односно за се она што како активност е и ќе биде присутно во функционирањето на локалната самоуправа.

   Врз основа на Законот за локална самоуправа и Статутот на општина Неготино, советниците во општинскиот совет на последната одржана седница донесоа одлука за организирање на дневен престој во основните општински училишта во општина Неготино. За таа цел, Советот на општина Неготино ги задолжи одговорните во основните општински училишта Гоце Делчев и Страшо Пинџур да организираат дневен престој за учениците кои посетуваат настава од прво до петто одделение. Дневниот престој се очекува да започне да функционира со стартот на второто полугодие од учебната 2012/2013 година.

  Во Општинското основно училиште Страшо Пинџур во Неготино завршија градежните активности за уредување на училишниот двор. Притоа, со бехатон коцки извршено е поплочување на просторот пред училишната зграда, како и делот пред новоизградената фискултурна сала, при што е извршено поплочување на околу 1.200 метри квадратни. Со реализацијата на овој проект во голема мерка е зголемена безбедноста на учениците кои посетуваат настава во оваа образовна установа, а паралелно значително е подобрен и естетскиот изглед на дворот во училиштетот Страшо Пинџур.

   Целта на проектот што локалната самоуправа ќе го спроведува со УСАИД е да го олесни пристапот на малите и микропретпријатијата до пазарот на јавни набавки придонесувајќи за нивен одржлив развој и подобро искористување на нивните потенцијали за создавање работни места, раст и иновации. Од друга страна пак, на договорните органи проектот треба да им овозможи постигнување пониски цени и повисок квалитет при јавните набавки. Овие цели се планира да се остварат преку зголемување на свесноста кај претпријатијата за можностите што ги нуди пазарот на јавни набавки, нивно снабдување со знаење, алатки, способности и капацитети за тендерски постапки, како и пружање помош за намалување на административните пречки што го оневозможуваат влезот на микропретпријатијата во јавните набавки. Станува збор за проект кој ќе се реализира во период од 3 години и истиот ќе биде подржан и од Бирото за јавни набавки.

 

 Регионален центар за поддршка на микропретпријатија-Велес
Фондација „Фокус“
ул. „Трајко Панов“ 22, 1400 Велес
тел: 043 212 450, 070 226 025
е-пошта: This e-mail address is being protected from spambots. You need JavaScript enabled to view it