Благодарение на одличната соработка што неготинската локална самоуправа ја има со германски „Дрекслмаер“ на иницијатива на градоначалникот на општина Неготино Ванчо Апостолов, а  во консултации со раководниот тим на компанијата, за потребите на детската градинка „Фемо Кулаков“ претставници на „Дрекслмаер “ донираа опрема во вредност од 1.200.000 денари. Донацијата ја врачија претставнците на менаџерскиот тим на германската компанија Лукас Мирингер и Ѓорѓи Треновски кои истакнаа дека по сеопфатно направени анализи и во договор со градоначалникот Апостолов се одлучиле донацијата да се намени за потребите на дечињата кои престојуваат во двата клона на градинката, со што уште еднаш „Дрекслмаер“ на дело  го покажува високиот степен на општествена одговорност. Станува збор за донација во опрема и тоа 195 нови креветчиња и душеци и 125 анатомски столчиња што претставува над 60 отсто од целокупно потребната опрема за градинката. Заблагодарувајќи се на донацијата и доделувајќи им пригоден подарок на Мирингер и Тренковски, градоначалникот Апостолов потенцираше дека како резултат на постојаните контакти со раководниот тим и одличната соработка, досега во германскиот гигант „Дрекслмаер“ се вработени околу 1.000 лица од општина Неготино со тенденција, доколку има потреба, нивниот број континиуирано да се зголемува. Претставниците пак на „Дрекслмаер“ додадоа дека и понатаму ќе донираат онаму каде што има потреба, со единствена цел за подигнување на квалитетот на живеење на граѓаните на општина Неготино и на регионот.

  Во рамките на проектот,,Општинско корисна работа –промовирање на одржливи вработувања 3,, а во рамките на проектот  на општина Неготино ,,Грижата за децата од предучилишна возраст–врвен приоритет за руралната средина,, деновиве се одржаа 7 едукативно советодавни интерактивни работилници со  родителите на децата во 7 рурални средини на општина Неготино каде што и функционираат игралните.
    Темата на првата работилница од ваков вид беше со наслов,,Родителството и развитокот на детето,,.Притоа воспитувачите во асистенција на нивните помошнички, а во присуство на бројни заинтересирани родители беа воведени во тајните на доброто воспитување, како да се биде добар родител, како да се учи и да  се унапредува родителството.Истовремено родителите беа запознати со шесте основни родителски вештини , а беа споделени и позитивните и негативните искуства   за тоа  кога се препознаваат како добар пример за децата, кога биле добри учители, кога биле добри другари , а кога не.
    Целта на оваа работилница беше постигната преку покажаниот интерес и присуството на родителите,како и преку желбата да следуваат и други вакви работилници во овие средини, кои се од голема важност за севкупниот развој на  децата и на нивните семејства, бидејќи родителството е  најубавата , но воедно и најодговораната должност на човекот.
Инаку до крајот на  месец  ноември 2014 година , планирано е покрај редовните секојдневни активности со децата во овие средини да бидат реализирани уште две едукативно-советодавни работилници со родители.

   Следејќи ја политиката на Владата на РМ, на предлог на градоначалникот Ванчо Апостолов, кон крајот на септември, минатата година, Советот на општината донесе одлука за доделување вредносни ваучери во висина од 7.000 денари за секое новородено дете на подрачјето на општина Неготино. Мерката во пракса се спроведува веќе 10 месеци, а на почетокот на јули градоначалникот Апостолов на пригодна свеченост додели 28 ваучери на семејства кои имале новороденчиња во мај и во јуни. Како што истакна Апостолов во пригодното обраќање пред присутните во изминатиот период од кога е започнато спроведувањето на оваа мерка, општина Неготино има доделено вкупно 150 ваучери, што значи дека месечно се раѓаат во просек околу 15 бебиња. За реализацијата на проектот на годишно ниво од Буџетот на општина Неготино предвидено е да се издвојуваат околу 1,5 милион денари.