Општина Неготино продолжува со концептот-игрални за деца од предучилишна возраст   во 7 рурални средни. Преку проектот,,Грижата за децата од предучилишна возраст-врвен приоритет во руралната средина,,  а во рамките на проектот Општинско корисна работа, поддржан од УНДП, АВРМ ,МТСП и општина Неготино,како нова компонента во рамките на воспитно-образовната работа е организирањето на интерактивни и советодавни работилници со родителите на децата. Деновиве во периодот од 30 септември до 10 октомври се организираат  7 вакви работилници со родители во сите 7 игрални од руралните средини.
Темата на втората работилница е ,,Здрава храна,, .
Оваа тема е од огромна важност за правилен раст и развој на децата од оваа возраст , а  истата е избрана како резултат на препораките на МТСП кои ги има дадено до градинките, за примена на ,,Програма за едукација на децата од предучилишна возраст во установите за згрижување и воспитување на децата , со процесот на одгледување и конзумирање на здрава храна,,.
За подготовка и  организирање на овие работилници со родителите се користат посебни прирачници за воспитувачите и асистентите, а во координација со ЈОУДГ,,Фемо Кулаков,, од Неготино .
Активностите во рамките на темата,,Здрава храна,, ќе траат околу 2 месеци  , со цел на  третата работилница со родители да бидат презентирани сите постигнувања , изработки и стекнати знаења и навики кај децата, околу одгледувањето и конзумирањето на здрава храна , како во игралните исто така и во рамките на нивните семејства.

   Давање помош и поддршка на поединци и семејства во ситуација на присутни проблеми во бракот и семејството, помош и поддршка на брачните парови во надминувањето на проблемите, кризата во комуникацијата и други потешкотии, помош и поддршка за деца во случаи на развод на брак на нивните родители, како и советодавна работа со малолетни лица- се само дел од активностите кои ќе се реализираат во денес отвореното Советувалиште за брак и семејство кое ќе делува во рамки на Центарот за социјална работа Неготино. Советувалиштето кое е сместено во една од просториите во Желковата куќа ќе работи секоја прва сабота во месецот од 9,30 до 14,30 часот и во вторник од 10 до 18 часот. Услугите се бесплатни, а дискрецијата и непристрасноста се загарантирани.

   Неготино денеска беше домаќин на учесниците во глобалната манифестација позната како „ Трка на мирот -2014г. “ – глобална штафетна трка која нема натпреварувачки карактер. Во истата учествува интернационален тим на маратонци на кои во текот на денешниот ден им се приклучија и 15 ученици од ОУ Страшо Пинџур кои подавајќи го факелот на мирот од рака на рака преку заедничко трчање го промовираа меѓународниот мир, единство, пријателство и разбирање. Претставникот на организаторот Дибаваџан Реџан на градоначалникот на општина Неготино Ванчо Апостолов му го предаде факелот на мирот и во своето обраќање за заблагодари на топлиот и срдечен прием во нашиот град, додавајќи дека трката започнала од Португалија, поминала низ многу европски земји меѓу кои и Република Македонија, а трката завршува во Белград – Република Србија. Градоначалникот Апостолов во своето обраќање го искажа задоволство од пружената можност и наши сограѓани да дадат придонес во традицијата на подавање на факелот од рака на рака истакнувајќи дека импресинво звучат бројките дека присутните маратонци во текот на целата трка ќе претрчаат вкупно 24.000 километри поминувајќи низ 49 земји. По кратката културно-уметничка програма, учесниците на трката на мирот заедно со факелот го продолжија своето патешествие низ други општини во земјава.