Претставник на општина Неготино го подигна решението од Агенцијата за поддршка на земјоделието и руралниот развој на Република Македонија со кое за аплицирани и одобрени 3 проекти, на општина Неготино и се одобрени средства во висина од 45.000.000 денари за реализација на проекти за пододбрување на условите за живот во руралните средини. Така, за проектот Реконструкција и асвалтирање на 800 метри од патниот правец Горни Дисан-Вешје во должина од 800 метри одобрени се близу 20.000.000 денари, за спроведување на проектот Изградба на линиска патна инфраструктура за поврзување на село Калањево со излетничкото место Бела вода општина Неготино доби 15.000.000 денари и за проектот Изградба на 3 улици во Тимјаник одобрени се средства во висина од 10.000.000 денари. Во сите овие суми не е вклучен данокот на додадена вредност чие обезбедување на средства е обврска на локалната самоуправа. Согласно решението за одобрување на барањето за финансиски средства, од Агенцијата потенцираат дека следна обврска на општината е да спроведе постапка за јавна набавка, во согласност со Законот за јавни набавки.

   Општина Неготино преку програмата за финансиска поддршка на руралниот развој до Агенцијата за финансиска поддршка на земјоделството и руралниот развој аплицираше со 3 проекти, а најновите информации се дека сите три проекти се одобрени за реализација. Станува збор за проекти преку чија реализиција ќе се подобрува инфраструктурата во дел од населените места во неготинска општина и на тој начин ќе се создадат поквалитетни услови за живеење на тамошното население. Со одобрените средства предвидена е изградба на 3 улици во Тимјаник во должина од над 1.000 метри, потоа изградба на линиска патна инфраструктура за поврзување на село Калањево со излетничкиот локалитет Бела вода во должина од 650 метри, како и реконструкција и асвалтирање на 800 метри од патниот правец Горни Дисан-Вешје. Градоначалникот Апостолов истакнува дека штом се создадат неопходните услови, мошне скоро ќе започнат и градежните работи на терен.

   Градоначалникот Ванчо Апостолов и општина Неготино преку проект за прекугранична соработка ги обезбедија потребните финансиски средства кои ќе бидат наменети за почеток на изведувањето на работите за реконструкција и асвалтирање на  патниот правец Горни Дисан-Вешје. Имено, воспоставената меѓународна соработка меѓу општина Неготино и општина Алмопија резултираше со заедничка работна средба помеѓу претставниците на двете општини при што градоначалниците на Неготино Ванчо Апостолов и на Алмопија Димитрос Мпинос извршија официјално потпишување на Договорот за соработка на заеднички проект меѓу двете општини. Инаку, покрај овие средства,  за компплетна реконструкција на патот Горни Дисан-Вешје за кој веќе е изработена и техничката документаци, да истакнеме дека истиот е влезен во програмата за меѓународна соработка меѓу Република Македонија и Република Словенија, потоа преку програма на Министерството за финансии и Светска банка со користење средства од ЕУ ИПА грантот наменети за подобрување на патната инфраструктура, како и преку програмата на Агенцијата за финансиска поддршка на руралниот развој и земјоделието на Република Македонија. Тоа значи дека реконструкцијата и асвалтирањето на целиот патен правец Горни Дисан-Вешје во должина ќе биде финансиран од повеќе извори, а дел од средствата ќе ги обезбеди и општина Неготино.