Во врска со ОТВОРЕНИOT ПОВИК ЗА ПОДНЕСУВАЊЕ НА  АПЛИКАЦИИ  за ОБУКИ ЗА ПЧЕЛАРСТВО ВО ОПШТИНА НЕГОТИНО за сите кои се заинтерсирани да учествуваат во обуки за пчелaрство ( училиште за пчелари) што ќе се имплементира во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија  а кој беше објавен на веб страната на општината и на други видни места за периодот 11.07.2016-22.07.2016 ВЕ ИЗВЕСТУВАМЕ   ДЕКА ОПШТИНА НЕГОТИНО ГО ПРОДЛОЖУВА РОКОТ ЗА ПОДНЕСУВАЊЕ НА АПЛИКАЦИИ И ЗА ДВАТА КУРСА  ДО  01.08.2016( ПОНЕДЕЛНИК) до 16.00 часот.
Истовремено Ве информираме  дека останатите елементи на ПОВИКОТ остануваат исти и се дадени во продолжение , освен промените на датумите согласно продолжениот рок за пријавување:

  Со поставувањето на финалниот слој асфалт, заврши проширувањето и асфалтирањето на еден од најфреквентните и најкритични патни правци на подрачјето на општината од Неготино до Криволак во вкупна должина од 3 километри, со што е исполнето уште едно ветување на градоначалникот Апостолов.  На завршните работи им предходеа  подготвителни работи кои се однесуваа на гребење на стариот асфалт, поставување на дренажа на неколку локации и изградба на потпорни зидови, по што работници на фирмата-изведувач Ве-група од Радовиш започнаа со асфалтирање  патот  од мостот на Вардар каде што се раздвојува патот кон Пепелиште се до центарот на Криволак. Според зборовите на градоначалникот на општина Неготино Ванчо Апостолов работите се одвиваа според  однапред утврдената динамика, при што најпрво се врши проширување и асфалтирање на неасфалтираниот дел од патот со цел наместо постоечките 3,2 метри истиот да биде со ширина од 5,5 метри и овој дел од работите се изврши  со поставување на слој од 8 см асфалт, додека на постоечкиот патен правец на кој беше спроведено гребење на стариот,  се постави нов слој асфалт од 5 см, а во моментов се одвива поставувањето на  еластична ограда покрај патот во должина од 1.260 метри.

   Во врска со ПОКАНАТА ЗА ПОНУДА објавена на нашата веб страна од 01.07.2016 година во врска со проектот,,Поддршка и развој на економија на пчелни производи во прекуграничнатa област-BEE-CONOMY,, за НАБАВКА на  ,,Мебел и дигитална опрема за тренинг центар-училница за проектот,,BEE CONOMY” со детална спецификација во тендерскaта документација,за која беше утврден рок на достaвување на понуди до 11.07.2016 понеделник  до 12.00 часот,ВЕ ИЗВЕСТУВАМЕ   дека општина Неготино го продолжува рокот за доставување на понуди до 25.07.2016 до 12.00 часот. Отварањето на понудите ќе биде јавно во 14.00 часот истиот ден.

Општина Неготино објавува јавен повик за сите кои се заинтерсирани да учествуваат во обуки за пчелaрство ( училиште за пчелари) што ќе се имплементира во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија

Обуките ќе се спроведуваат во соработка со О3 ИНВЕСТ ДООЕЛ Скопје и ќе опфатат:

1. Првиот циклус на обуки е наменет за 25 учесници од постојните пчелари во општина Неготино .Обуките за постојните пчелари ќе опфатат постапки за максимизирање на  производството на мед, производство на други методи и користење на другите пчелни продукти за зголемување на вредноста на медот.  Обуките ќе се реализираат во времетраење од 70 часови, во месеците јули и август 2016 година и ќе се спроведуваат преку теоретска и практична настава спроведена од проф. д-р. Хрисула Кипријановска.

2. Вториот циклус на обуки е наменет за 25 учесници кои се заинтересирани да започнат со одгледување на пчели и производство на пчелни продукти. Обуките за новите пчелари ќе опфатат почетно запознавање со основните елементи во процесот на одгледување на пчелите, запознавање со неопходната опрема за пчеларство и неопходните постапки за одгледување на пчели. Обуките ќе се реализираат во времетраење од 70 часови, во месеците јули и август 2016 година и ќе се спроведуваат преку теоретска и практична настава спроведена од проф. д-р. Хрисула Кипријановска

   Локалната самоуправа објави отуѓување на градежно земјиште сопственост на РМ по пат на електронско јавно наддавање на кое можат да учествуваат сите заинтересирани правни и физички лица од земјава и странство. Фактите говорат дека постои огромен интерес за купување на ова градежно земјиште и се очекува на лицитацијата да учествуваат голем број на заинтерсирани субјекти. Градоначалникот на општина Неготино Ванчо Апостолов информира дека по завршувањето на сите законски процедури, руинираната сала на ДТВ Партизан ќе се  урива и на нејзино место потенцијален инвеститор ќе гради модерен и современ станбено деловен комплекс кој во целост ќе го смени ликот на овој дел од центарот на Неготино во позитивна конотација. Станува збор за продажба на неизградено земјиште на извонредно атрактивен простор на површина од 1.268 метри квадратни, со катност П+4, со почетна цена од 1.040 денари за метар квадратен и со намена А2-домување во станбени згради со компатибилна намена за комерцијални и деловни објекти. Апостолов апелира до бизнис-секторот од општината, регионот и од цела Македонија да земат учество на јавното наддавање и  да ја искористат можноста да добијат извонредно атрактивен простор за градење, а тоа можат да го сторат со поднесување пријава за учество на интернет страницата www.gradezno-zemjiste.mk најдоцна до 8-ми август.