На над 900 ученици кои наставата ја следат во двете општински основни училишта Гоце Делчев и Страшо Пинџур од прво до петто одделение на пригодна свеченост која се одржа во училиштата им беа поделени исто толкав број на новогодишни пакетчиња. Овие новогодишни пакетчиња се обезбедени со средства од буџетот на локалната самоуправа, а на учениците од прво до петто одделение им ги подели градоначалникот на општина Неготино Ванчо Апостолов. Во знак на благодарност учениците од двете училишта подготвија богата забавно-музичка програма која ја презентираа пред градоначалникот и наставниот кадар, ветувајќи  дека и во наредната 2017-та година ќе бидат примерни и добри ученици. Од свои лично име и од име на општината градоначалникот Апостолов на сите ученици, нивните родители и на вработените во основните училишта им ги честиташе Новогодишните и Божикните празници посакувајќи им многу здравје и среќа во Новата година.

  Како и секоја, така и оваа година во пресрет на Новогодишните и Божикните празници градоначалникот на општина Неготино Ванчо Апостолов ги посети детските игрални кои функционираат во населените места, искористувајќи ја можноста нив, но и на нивните родители, да им ја честита Новата 2017-та година и да им посака се најдобро. За радоста на дечињата да биде поголема, но и да се задоволат нивните очекувања, градоначалникот Апостолов на децата од игралните во Тимјаник, Д.Дисан и Црвени Брегови им додели новогодишни пакетчиња, а во четврток пакетчиња ќе добијат и децата од игралните во Криволак, Пепелиште, Тремник и Војшанци. Како што информираат од локалната самоуправа, општина Неготино обезбеди новогодишни пакетчиња и за учениците до 4-то одделение во двете основни училишта, за дечињата во двата клона на градинката Фемо Кулако, за самохраните родители, штитениците од Порака и други.

   Градоначалникот на општина Неготино Ванчо Апостолов, Советот на општината и локалната самоуправа ги покануваат сите граѓани од неготинска општина, но и од соседните општини, во сабота на 31-ви декември да повелат на градскиот плоштад во Неготино и со организирана забава заеднички да ја испратиме 2016-та и да ја дочекаме Новата 2017-та година. Имено, како и предходните, така и оваа година локалната самоуправа им овозможува на сите заинтересирани граѓани да присуствуваат на заедничкиот дочек на Новата година на кој за забавата и доброто расположение ќе се погрижат членовите на групата „Кристал“, а на полноќ ќе има и спектакуларен огномет.

   Неготино денеска беше домаќин на учесниците и нивните ментори, како и претставници на Противпожарниот сојуз на Македонија, бидејќи токму во нашиот град се одржа 32-иот по ред Државен квиз-натпревар од областа на противпожарната заштита на кој учество зедоа најдобрите екипи од Република Македонија во конкуренција на кадети и јуниори во кои се натпреваруваат по 7 екипи во двете конкуренции. Државниот натпревар за отворен го прогласија градоначалникот на општина Неготино Ванчо Апостолов и претседателот на Противпожарниот сојуз на Македонија проф. д-р Никола Николов кои на сите учесници им посакаа пријатен престој во нашиот град и многу успех и среќа во натпреварувачкиот дел со желби да победат најдобрите. За регуларноста на натпреварувањето се грижеше тричлена жири комисија составена од стручни лица и делегат од Противпожарниот сојуз на Македонија, а квиз-натпреварите де одвиваа според однапред утврдени пропозиции. За најдобро пласираните екипи беа обезбедени пригодни награди и  признанија.