„Граѓаните се тие кои најдобро ги познаваат проблемите во нивното село, урбана заедница, населба, маало, улица и слично и токму со цел да го слушнеме нивното мислење ги организиравме средбите со жителите на месните заедници во селата и 9-те урбани заедници во градот. Наидовме на одличен прием, масовно присуство на средбите и слушнавме квалитетни и конструктивни предлози, мислења и забелешки. Тоа пак, верувам дека ќе придонесе за јакнење на довербата на релација градоначалник-Совет на општина-локална администрација-граѓани на општина Неготино“-истакна во изјава за медиумите градоначалникот на општина Неготино Тони Делков по завршување на сите предвидени средби. Според градоначалникот, граѓаните најголем интерес пројавиле за решавање на проблемот со водоснабдувањето, уредување на патната инфраструктура, подобрување на комуналната хигиена во градот и населените места, уличното осветлување, а неизбежни се и индивидуалните барања од граѓаните за решавање на одреден проблем. Според Делков, сите предлози ќе бидат разгледани и анализирани и дел од нив ќе се најдат во годишната Програма за работа на општина Неготино и општинскиот Буџет за наредната 2018-та година, додавајќи уште еднаш дека ваквите средби ќе бидат правило, а не исклучок.

   Ги поканувам граѓаните на град Неготино од сите 9 урбани заедници вечерва (14.11. вторник) да присуствуваат на состанокот со почеток од 18,00 часот во големата сала на општина Неготино на кој јас како градоначалник, претставници на Советот на општината и вработени во локалната администрација ќе ја одржиме последната од планираните средби со граѓаните од месните и урбаните заедници во општина Неготино. Според однапред утврдениот распоред, вечерва ќе се сретнеме и ќе дискутираме со жителите од УЗ 1,2,3,4,5,6, 7,8 и 9 од град Неготино-средба на која присутните ќе можат да се произнесат за проблемите со кои се соочуваат и преку директна комуникација со давање предлози и решенија да се најдат начини за нивно санирање или надминување. Сакам да информирам дека изминатите денови остваривме работни средби со жителите на месните заедници во селата Тремник, Дуброво, Војшанци, Пепелиште, Криволак, Црвени Брегови, Курија, Тимјаник, Долни Дисан и Вешје на кои месното население имаше можност низ директни разговори со претставниците на локалната власт да понуди предлози и решенија за надминување на одредени состојби во местото на нивното живеење, а сето тоа како основа за нивно вметнување во Програмата за работа на општина Неготино за 2018-та година и во Буџетот на општината за наредната година.

  Градоначалникот на општина Неготино Тони Делков, претставници на Советот на општината и вработени во локалната администрација изминатите денови ги завршија работните средби со жителите на месните заедници во селата Тремник, Дуброво, Војшанци, Пепелиште, Криволак, Црвени Брегови, Курија, Тимјаник, Долни Дисан и Вешје на кои месното население имаше можност низ директни разговори со претставниците на локалната власт да понуди предлози и решенија за надминување на одредени состојби во местото на нивното живеење, а сето тоа како основа за нивно вметнување во Програмата за работа на општина Неготино за 2018-та година и во Буџетот на општината за наредната година. На 13-ти и 14-ти овој месец (понеделник и вторник) предвидено е одржување на средби со жителите на сите 9 урбани заедници од Неготино, при што на 13-ти со почеток од 18,00 часот е закажана средба со населението од УЗ 1,2 и 3 од градот, додека од 20,00 часот ќе започне средбата со граѓаните од УЗ 4,5 и 6. На 14-ти овој месец, непосредните контакти со граѓаните ќе завршат со одржување работни состаноци со граѓаните од УЗ 7,8 и 9 на кои граѓаните ќе имаат можност да дадат сопствени предлози, сугестии и размислувања за реализирање на проекти и активности со чие спроведување ќе се придонесе за подобрување на условите за живеење во нивните средини.

   Изложбениот салон на Музејот на град Неготино беше претесен да ги прими сите граѓани од општината кои покажаа заинтересираност да го проследат настанот „Градот низ детските очи“ организиран од страна на детската градинка „Фемо Кулаков“ од Неготино. Пригодно обраќање пред присутните имаа директорката на градинката Весна Нацева, воспитувачката и координаторка на проектот Елизабета Димова и претставникот на локална самоуправа Неготино Ивица Златковиќ. Во своите излагања тие истакнаа дека станува збор за манифестација која е дел од Програмата за работа на градинката и се одржува неколку години по ред, во изработката на експонатите се вклучени дечињата кои престојуваат во градинката и нивните родители, на кои за нивниот придонес во подготвителни активности им беа врачени благодарници, а Златковиќ во своето обраќање ги пренесе заложбите на градоначалникот на општина Неготино Тони Делков за изградба на уште една градинка во нашиот град за што веќе се преземени и конкретни активности. Веднаш потоа, присутните на настанот имаа можност да ги разгледаат изложените цртежи изработени од дечињата и макетите со објекти од општина Неготино изработени од нивните родители.

   После подолго време, денеска со ангажирање на механизација се изведе акција за чистење на депонијата Бучето. Приоритет беше даден на отстранување на отпадот расфрлан во близина на патниот правец Неготино-Дуброво-Војшанци на што впрочем и најмногу се жалеа жителите на овие места, како и граѓаните кои поминуваа во близина на депонијата. Со ваквите и слични акции ќе се продолжи и во наредниот период, а надлежните апелираат до населението да не се фрла отпад на несоодветни места, како и да се врши палење на ѓубрето.