Општина Неготино заедно со останатите локални самоуправи од Вардарскиот плански регион, а во рамките на реализацијата на проектот кој се одвива под мотото ,, Сакај ја Македонија, уживај во својата Татковина ,, изврши сопствено претставување на, за тоа посебно уреден штанд, пред многубројните посетители кои ја следеа манифестацијата на плоштадот ,, Македонија ,, во Скопје. Самата промоција постигна многу позитивни ефекти и привлече големо внимание кај граѓаните, а сето тоа резултираше со посета на штандот на нашата општина каде што преку промотивни материјали заинтересираните имаа можност да се запознаат со стопанските, туристичките, природните и културните потенцијали на неготинска општина.

     Инаку, промотивните денови на регионите под мотото ,, Сакај ја Македонија, уживај во својата Татковина ,, се одржаа со поддршка на ГТЗ, а во организација на Заедницата на единиците на локалните самоуправи и на регионалните центри за развој.