12 „најчитатели“ од општина Неготино кои во текот на летниот период изнајмиле и прочитале најмногу книги од локалната библиотека „Страшо Пинџур“ од нашиот град, денеска на пригодна свеченост добија признанија и награди кои им ги доделија градоначалникот на општина Неготино Ванчо Апостолов и директорката на установата Катерина Данаилова. По четворица „најчитатели“ беа прогласени во категориите основци, средношколци и возрасни. Инаку, станува збор за настан кој е веќе традиционален и се одржува трета година по ред и со кој се постигнуваат очекуваните ефекти- зголемен број и интензитет на читатели во неготинската библиотека. Инаку, оваа година се одбележуваат 70 години од основањето на библиотеката „Страшо Пинџур“ од Неготино.