Во организација на општина Неготино, а во соработка со Градскиот шаховски клуб “Неготино”, оваа година по втор пат ќе се одржи Отвореното градско првенство во шах – Неготино 2013. Првенството ќе започне на 24 мај (петок) во 17.00 часот, а истото ќе го отвори покровителот на овој настан – Градоначалникот на општина Неготино г-нот Ванчо Апостолов. Право на учество на првеството имаат сите заинтересирани граѓани на општина Неготино. Наградниот фонд за најдобрите учесници на турнирот изнесува 17.000 денари. Пријавувањето за учество се врши кај претседателот на ГШК Неготино Трајче Недев, на тел. број 075/416-496, надоцна до 24 мај (петок) до 13.00 часот.