И оваа година во рамките на одржувањето на Неделата на виното, во конаците на прекрасниот манастир Свети Ѓорѓи во Неготино се одржа манифестацијата ,, Ден на вранецот ,, на која со вина од оваа автохтона македонска сорта грозје се претставија повеќе винарии кои функционираат на подрачјето на општината. Учеснициите на манифестацијата, како и гостите од Италија, Бугарија и Словенија најпрво преку излагање на свештените лица од МПЦ Свети Атанасиј се запознаа со убавините на манастирот и неговиот историјат, а потоа сите заедно уживаат во дегустирањето на квалитетното и надалеку познатото македонско вино од сортата вранец.