Православните христијани, денес 14-ти февруари, го слават празникот востановен во чест на Св.Трифун, кој се смета за чувар и заштитник на лозјето и виното. По тој повод, заедно со дел од советниците во Советот на општина Неготино и свештено лице од МПЦ„Св. Атанасиј“ од нашиот град го извршивме чинот на обредното закројување на виновата лоза. На сите лозаропроизводители им посакувам годинава да имаат богат и квалитетен род, а винариите да произведат квалитетни вина и ракии. Инаку, според обичаите, лозарите уште од раните утрински часови одат на лозјата во новата календарска година и ги закројуваат, надевајќи се дека така светецот ќе помогне грозјето да биде благо, а бочвите полни со вино. Попрскувањето на лозјата со светена вода и  поткаструвањето на гранчињата се прави со верување дека Свети Трифун ќе го заштити родот од разни болести, штетници и од невреме