Оваа година стручната комисија составена од професионални енолози  има „полни раце работа“ во делот на дегустацијата на вина и ракии во рамките на натпреварот во дегустација на вина и ракии од индивидуални производители од реколтата 2021 година. Имено, како што информираат организаторите, годинава во рамките на манифестацијата „Недела на виното-Св.Трифун 2022“ за дегустација се доставени досега рекордни 144 мостри на вина и ракии од кои 57 во категоријата црвени вина, 48 бели вина и 39 мостри во категоријата ракии. Сите мостри ќе бидат дегустирани и оценувани, а за најдобрите општина Неготино има обезбедено пригодни награди кои на најуспешните производители како градоначалник ќе им ги врачам во понеделник на 14-ти февруари на самиот празник Свети Трифун кога е и централната прослава во Неготино.