На ден 16.08.2021 година градоначалникот Тони Делков заедно со претставници на проектната единица на Министерство за финансии на Република Северна Македонија, претставници на фирмата изведувач Ленди Груп од Скопје и надзорот Павер Трејд ДООЕЛ Кавадарци извршија вовед во работа во рамки на проектот „ Реконструкција на 9 улици во град Неготино “ .
Проектот опфаќа реконструкција на улиците „ Вељко Влаховиќ “, „ Енгелсова “, „ Пиринска “, „ Првомајска “, „ Тиквешка “, „ Вардарска“ , „ Ѓоко Мишев “, „ Вано Ташев “ и дел од улица „ Марксова.
Вредноста на проектот изнесува 13.688.779 денари - проект финансиран со под заем преку проектната единица на Министерство за финансии на Република Северна Македонија во рамки на Вториот проект за подобрување на општинските услуги ( втор МСИП) поддржан од Меѓународната банка за обова и развој Светска банка.
Според информациите на надлежните се очекува реконструкцијата на улиците да започне во најкраток можен рок.